Руслан Платонов: «Биир ньыгыл Арассыыйа» Саха сиригэр кыайыыта саарбахтаммат этэ»

«Биир ньыгыл Арассыыйа» баартыйа Саха сиринээҕи ситэриилээх кэмитиэтин салайааччыта Руслан Платонов быыбардар түмүктэринэн санаатын үллэһиннэ.

— Быыбар хампаанньата саҕаланыытыгар  биир да утарылаһааччы куоластааһын  түмүктэрин саарбахтаабатын курдук, легитимнэй быыбардары ыытар сорук  турбута. Биһиги ол сорукпутун толордубут. Быыбардар чиэһинэйдик, туох да айдаана суох аастылар. Биһиги  баартыйабытыттан турбут хандьыдааттар дьоһун түмүктэри көрдөрдүлэр.  Манна биири бэлиэтээн этиэм этэ, норуот дьокутаатыгар, муниципалитеттар баһылыктарыгар, дьокутааттарыгар туруоруммут хандьыдааттар  баһыйар үгүстэрэ «Биир ньыгыл Арассыыйа» баартыйаттан турбуттара.  Биһиги бырагыраамабыт, сыалбыт-сорукпут биир — дойду Аҕа баһылыга Владимир Путин  биһиги иннибитигэр туруорбут соруктара буолаллар.  Биһиги ол соруктары олоххо киллэриэхтээхпит. Саха сирин олохтоохторун биһигини өйөөбүккүтүн иһин  махтанабыт, — диэн Руслан Платонов иһитиннэрдэ.