Хаартыска: Нуучча драматическай тыйаатыра.
Бэс ыйын 6 күнүгэр, нуучча улуу бэйиэтэ Александр Пушкин төрөөбүтэ 225 сылыгар, Нуучча драматическай тыйаатыра «Руслан уонна Людмила» испэктээкили славянскай фэнтези истиилинэн көрдөрүөҕэ.
Бу Дьокуускайга аан бастакы фэнтези-испэктээкил буолар. Испэктээкилгэ көстүүлээх кыргыһыылар, модун бухатыырдар, кэрэ кыргыттар, алыптаах-аптаах дьон, алта миэтэрэ уһуннаах бытыктаах Черномор колдун — бары кыраһыабай көстүүмнээх буолуохтара.
— Биһиги биллэр остуоруйаны атын өттүттэн көрдөрүөхпүтүн баҕарбыппыт — нууччалыы фэнтези туспа суоллаах-иистээх, аатырбыт Толкиен айымньыларыттан хаалсыбат. Аныгы оҕолор тылларынан, «былыргы Русь супердьоруойдарын» көрдөрүөхпүт. Ол оҕолорго ордук тиийимтиэ буолуо. Биһиги устуоруйабыт, биһиги литературабыт олус интэриэһинэйин оҕолорго тиэрдэр соруктаахпыт, — диэн режиссер Андрей Габышев этэр.
Санатар буоллахха, былырыын бэйиэт төрөөбүт күнүгэр Нуучча тыйаатыра туруорулла сылдьар «Руслан уонна Людмила» испэктээкилтэн быһа тардан көрдөрбүтэ. Ону көрөөччүлэр олус сэргээбиттэрэ.
Режиссер — Андрей Габышев, худуоһунньук – Андрей Волков. Премьера бэс ыйын 6 күнүгэр киэһэ 6 чаастан уонна бэс ыйын 8 күнүгэр киэһэ 6 чаастан Пушкин аатынан Нуучча тыйаатырыгар буолуоҕа.
Бүгүн, ыам ыйын 9 күнүгэр, Дьокуускайга сылын аайы ыытыллар Кыайыы Оһуокайа үрдүк таһымнаахтык буолла. Быйыл…
Саха сиригэр Мэҥэ Хаҥаласка уонна Өлүөхүмэ оройуоннарыгар сүппүт эр дьону көрдүүллэр. Ааспыт сууккаҕа атын оройуоннарга…
Арассыыйа Дьоруойа Андрей Григорьев Москваҕа Кыайыы параадыгар кытынна. Кини ыҥырыылаах ыалдьыт быһыытынан олорорун "Бастакы" ханаалга…
Ыам ыйын 5 күнүгэр, Пушкин аатынан киин библитиэкэҕэ Үөһээ Бүлүү Балаҕаннааҕыттан төрүттээх, билигин Нам Түбэтигэр…
Таатта улууһун киинигэр Улуу Кыайыы 80 сыллаах үбүлүөйүн көрсө "Кыайыы көтөллөөх буойун учууталлар көмүс уруоктара"…
edersaas.ru саайт 2020 сыллаах архыыбыттан. Кыайыы 75 сылынан эһээм кэпсээниттэн тугу өйдөөн хаалбыппын суруйарга быһаарынным.…