Рустам Миннихановка Арассыыйа Дьоруойа Андрей Григорьевтан саха быһаҕын туттардылар

Арассыыйа Дьоруойа Андрей Григорьев (Тута) Татарстаан Өрөспүүбүлүкэтин аҕа баһылыгар Рустам Миннихановка саха быһаҕын бэлэх биэрбитин туттардылар. Бу туһунан @tatmediaofficial суруйар.

Андрей Григорьев ВСУ десантнигын кытта киирсиитин видеота тарҕаммытын кэнниттэн биллибитэ. Видеоҕа уһуллубут каадырдар Саха сирин хоодуот байыаһа туохтан да куттаммат эр санаалааҕын туоһулаабыттара.

Ити киирсии кэнниттэн Андрей Григорьев өссө хас да күн устата бойобуой сорудаҕы толорбута уонна утарылаһааччыларга соҕотоҕун улахан охсууну оҥорбута.

РФ Бэрэсидьиэнэ Владимир Путин 2025 сыл тохсунньу 11 күнүгэр киниэхэ үрдүк наҕарааданы, Кириэмилгэ тус бэйэтэ «Кыһыл көмүс сулуһу» туттарбыта.