Хаартыска: СӨ Доруобуйа харыстабылын министиэристибэтин архыыбыттан
«Продолжительная и активная жизнь» саҥа национальнай бырайыак олоххо киириитин чэрчитинэн Саха сиригэр сыл саҕаланыытыттан «Гепатиты утары охсуһуу» федеральнай бырайыак олоххо киллэриллэр.
Эрэгийиэн олохтоохторугар диагностика, эмтээһин уонна сэрэтэр дьаһаллар ыытыллаллар. Ити барыта эпидемиологическай балаһыанньаны тупсарар уонна нэһилиэнньэ олоҕун уһатар.
«Федеральнай бырайыак сүрүн сыала — хроническай вируснай С гепатиттаах ыарыһахтары эмтээһиннэрин кэҥэтии. Бу сылга 450 ыарыһаҕы вируһу утары терапиянан хааччыйыахтаахпыт. Ити сыалга федеральнай субсидия, булгуччулаах мэдиссиинискэй страховкалааһын уонна эрэгийиэннээҕи бүддьүөт үбэ-харчыта көрүллүөҕэ», — диэн бэлиэтээтэ Ддоруобуйа харыстабылын миниистирэ Лена Афанасьева.
С гепатит — вируснай ыарыы, быары сүһүрдэр, ону таһынан атын уорганнар үлэлэригэр дьайыан сөп. Киһи организма инфекцияны кыайбатах буоллаҕына, ыарыы хроническай көрүҥэр кубулуйар. Бу сылтан С гепатиты утары чинчийии бырагыраамата нэһилиэнньэни диспансеризациялааһын бырагырааматыгар киллэриллибитэ.
Санатан эттэххэ, 2024 сылга РФ Бэрэсидьиэнэ Владимир Путин федеральнай мунньахха «Продолжительная и активная жизнь» саҥа национальнай бырайыак туһунан иһитиннэрбитэ. Бу бырайыак дойду нэһилиэнньэтин олоҕун хаачыстыбатын тупсарыыга, доруобуйа таһымын үрдэтиигэ уонна нэһилиэнньэ уһун үйэлээх буоларыгар усулуобуйаны тэрийиигэ туһуланар.
Аҕыйах сылтан бэттэх саҥа дьыллааҕы баата оонньуурдары оҥорор киһи элбээтэ. Баататтан оҥоһуллубут Моруос оҕонньоттору, Хаарчааналары…
Бүгүн, ахсынньы 18 күнүгэр, Дьокуускай куорат оскуолаларын үөрэнээччилэригэр актированнай күн биллэрилиннэ. Бу туһунан Дьокуускай куорат…
ОСАГО (автогражданскай эппиэтинэс булгуччулаах страхованиета) тарыыптарыгар уларытыылары киллэрбиттэрэ. Саҥа полиһы хайдах оҥотторор, туох докумуоннар ирдэнэллэрин…
Бүгүн, ахсынньы 18 күнүгэр, Саха сирин сорох улуустарыгар -20 кыраадыс буолара күүтүллэр диэн УГМС иһитиннэрэр.…
«Саханефтегазсбыт» АУо 2025 сылга ыраах сытар, сылы эргиччи суола-ииһэ суох, автозаправочнай (АЗС) уонна контейнернай автозаправочнай…
Суруналыыстары кытта көрсүһүүтүгэр киин куорат мээрэ Евгений Григорьев мээрийэ өйөбүлүнэн тахсар "Киин куорат" хаһыат туһунан…