Хаартыска: S7.ru
«S7 Airlines» авиахампаанньа Москваттан, Новосибирскайтан уонна Владивостоктан Дьокуускайга диэри рейстэр ахсаанын элбэттэ. Бу сайын толоруллар эбии рейстэргэ билиэти атыылааһын номнуо аһылынна. Бу туһунан Тырааныспарга уонна суол хаһаайыстыбатын министиэристибэтэ иһитиннэрэр.
Биэдэмистибэҕэ бэлиэтээбиттэринэн, рейс ахсаанын элбэтии туһунан быһаарыы Ил Дархан Айсен Николаев «Группа компаний S7» ЗАО салалтатын кытта дьыалабыай көрсүһүү түмүгүнэн ылылынна.
Москваттан эбии рейстэр оптуорунньукка, бээтинсэҕэ, субуотаҕа оҥоһуллуохтара. Москваттан рейс киэһэ 18:35 чаастан көтөр уонна Дьокуускайга сарсыарда 7 чааска түһэр. Төттөрү рейстэр хас субуота уонна өрөбүл ахсын толоруллуохтара — сарсыарда 8:15 чааска көтөн тахсан Москваҕа сарсыарда 9:15 чааска аэропорка түһэр.
Новосибирскайтан эбии рейстэр чэппиэр, бээтинсэ уонна өрөбүл күннэргэ толоруллуохтара. Новосибирскайтан сөмөлүөт чэппиэр, бээтинсэ күннэргэ киэһэ 21:15 чаастан, өрөбүллэргэ түүн 00.45 чааска көтөр. Төттөрү рейстэр Дьокуускайтан сарсыарда 7:45 чааска уонна түүн 4.15 чааска оҥоһуллаллар.
Владивостоктан Дьокуускайга диэри хайысханан рейстэр нэдиэлэҕэ 6 төгүл толоруллуохтара. Бу хайысхаларынан Airbus онна Boeing көтөр аалларынан толоруллар.
Билиэттэри авиахампаанньа саайтыгар, мобильнай сыһыарыы нөҥүө уонна атыы-эргиэн бары офистарыгар атыылаһыахха сөп. Билсэр төл.: 8 800 700-07-07.
“Национальнай эриэйтин” бырайыак чэрчитинэн “Рейтинг” информационнай коммуникациялар кииннэрэ дойду субъектарын баһылыктарын үлэтин сыаналааһыҥҥа аналлаах уочараттаах…
Кытай SWIFT систиэмэҕэ маарынныыр бэйэтин систиэмэтин таһаарда. Арассыыйа - Кытай доҕордоһуутун, эйэҕэ, сайдыыга кэмитиэтин хос…
Бэҕэһээ Ньурба улууһун баһылыгын солбуйааччы Наталья Петрова салайааччылаах куонкурус хамыыһыйатын түмүктүүр мунньаҕа буолан ааспыт. Бэбиэскэҕэ…
Арассыыйа тимир суолларын саайтыгар эбэтэр мобильнай сыһыарыы нөҥүө “Федеральнай пассажирскай хампаанньа” (ФПХ) плацкартаах вагоннарыгар билиэт…
Өрөспүүбүлүкэтээҕи 2 №-дээх балыыһа травматологияҕа пууна Арассыыйа “Гелпик” фирматын саҥа рентгенологическай комплексын ылла. Саҥа аппараат…
Норуот синоптига Тускул этэринэн, сэтинньи 20-гэр диэри халлаан улаханнык тымныйыа суоҕа. Онтон хаар хаһан түһэр?…