Хаартыска: S7.ru
Балаҕан ыйын 10, 11, 12, 13 күннэригэр S7 авиахампаанньа билиэттэргэ 50%-ҥа диэри чэпчэтиилэри оҥорор. Аахсыйа балаҕан ыйын 13 күнүн 23:59 мүнүүтэтигэр (Москва бириэмэтинэн) диэри буолуоҕа.
Чэпчэтиилээх билиэтинэн балаҕан ыйын 16 күнүттэн номнуо көтүөххэ сөп. Чэпчэтии барар-кэлэр билиэттэри ыллахха эрэ, оҥоһуллар. Атын аахсыйаларга эбиллибэт. Чэпчэтии кээмэйэ көтүү хайысхатыттан уонна даататыттан тутулуктаах. Мунньуллубут миляны туһаныахха сөп.
Авиахампаанньа маннык аахсыйалары сылга биирдэ-иккитэ эрэ оҥорор. Өйдөөх дьон, уопуттаах айанньыттар ону бэркэ билэллэр, кэтэһэн олорон, сыллааҕы айаннарын билиэтин, хастыы да хайысханан атыылаһаллар. Үксүгэр Саҥа дьыллааҕы айаннарын билиэтин хаһааналлар. Дьиэ кэргэнинэн айаҥҥа олус барыстаах буолар. Биллэн турар, эрдэ ылбыт дьон өссө барыһыраллар.
Холобур, Дьокуускай-Иркутскай-Дьокуускай хайысханан билиэттэри кэлэ-бара 4900 солкуобайга атыыласпыттара. Биир блогер: «Иркутскайга «Руки вверх» бөлөх кэнсиэрэ буолар, оҕо сааһым тапталлаах бөлөҕүн кэнсиэригэр билиэт ыллым, өрөбүллэрбэр баран, аралдьыйан кэлиэм», — диэн кэпсээбитэ. Дьэ, чахчы, маннык чэпчэки билиэтинэн аҕыйах күҥҥэ, сайыны уһата таарыйа, эбэтэр, көмүс күһүнү көрсө күүлэйдии баран кэлиэххэ сөп.
Дьокуускай-Москва хайысханан билиэттэр 8-9 тыһыынча солкуобайга атыыламмыттара. Холобур, S7 авиахампаанньа сыһыарыытыгар киирэн көрдөхпүнэ, биир барыыга 10 тыһыынчалаах билиэттэр бааллар эбит. Чэпчэтиитэ суох билиэттэр 22 тыһыынча солкуобайтан саҕаланаллар.
Дьокуускай-Пекин хайысханан билиэттэр бааллар: алтынньы 28 күнүгэр Новосибирскайга түһэн ааһар билиэт сыаната — 27 тыһыынча солкуобай.
Бу аахсыйа биир ирдэбиллээх: чэпчэтиилээх билиэттэри S7 авиахампаанньа мобильнай сыһыарыытыгар киирэн, Т-Баан (уруккута «Тинькоф») каартатынан эрэ атыылаһыахха сөп.
Билигин да бириэмэ баар, киирэн атыылаһыҥ. Бэйэҕитигэр Т-Баан каартата суох буоллаҕына, оннук каарталаах дьону көрдөөҥ. Кинилэр ылан биэриэхтэрин сөп. Ылан биэрэргэ интэриэстээхтэр, тоҕо диэтэр, кинилэргэ миля чэпчэтиитэ эбиллэр.
Ил Дархан Айсен Николаев өрөспүүбүлүкэ терроризмы утары охсуһар хамыыһыйатын уонна суһал ыстаап холбоһуктаах мунньаҕын ыытта.…
Виктория Семенова унтуу тикпитэ сүүрбэччэ сыл буолбут. Бэйэтэ этэринэн, бу сыллар тухары 50 тыһыынчаттан тахса унтууну…
Бырабыыталыстыба бэрэссэдээтэлин солбуйааччы Георгий Степанов салайааччылаах өрөспүүбүлүкэ социальнай салаатын салайааччылара сыл аайы ыытыллар «Үтүө санаа…
Амматааҕы полиция дьуһуурунай чааһыгар олохтоох киһи массыынатын уоттуу сатаабыттарын туһунан иһитиннэрбит. Эр киһи быһаарбытынан, дьиэтин…
Дьокуускай куорат мээрэ Евгений Григорьев пресс-кэмпириэнсийэ кэмигэр суруналыыстар киин куоракка сылы эргиччи үлэлиир итии былаһааккалары…
Төрөөбүт тыллары харыстыыр уонна сайыннарар судаарыстыбаннай бырагыраама чэрчитинэн, 2026 сылтан саҕалаан, муниципальнай бибилэтиэкэлэргэ оҕо төрөөбүт…