Чурапчыга бырааттыы Морфуновтар бириистэригэр көҥүл тустууга турнир ыытыллыа

Сарсын, тохсунньу 31 күнүгэр, Чурапчы сэлиэнньэтигэр бырааттыы Морфуновтар бириистэригэр көҥүл тустууга өрөспүүбүлүкэтээҕи турнир буолуо.

Күрэхтэһиигэ спортсменнар түөрт ыйааһыҥҥа киирсиэхтэрэ. Турнир ССРС чөмпүйүөнэ, Саха сирин физическэй култуураҕа уонна успуорка үтүөлээх үлэһитэ Семен Морфунов 75 сылыгар ананар. А.И. Федотов аатынан успуорт комплексын көбүөрүгэр 61, 65, 70 уонна 74 кг диэри ыйааһыннарга бөҕөстөр тахсыахтара.

«Кыайыылаахтарга 50 тыһ. солк. харчынан бириистэр туттарыллыахтара, үрүҥ көмүс мэтээл призердара — 30 тыһ.солк., оттон боруонса мэтээлинэн наҕараадаламмыттар — 10 тыһ. солк. ылыахтара. Турнир өрөспүүбүлүкэ тустууга чөмпүйэнээтигэр бэлэмнэнии түһүмэҕинэн буолуоҕа, онон күүстээх кыттааччылаах састааптар тахсаллара күүтүллэллэр», — диэн тэрийээччилэр иһитиннэрэллэр.