Николай Портнягин хаартыскаҕа түһэриитэ
Арассыыйа ЫБММ сүрүн управлениетын Саха сиринээҕи ыксаллаах быһыы-майгы управлениетын киинэ иһитиннэрэринэн, бэнидиэнньик киэһэ, ыам ыйын 20 күнүгэр, Өлүөхүмэ, Ньурба, Үөһээ Халыма улуустарыгар уу таһыма түстэ. Зырянкатааҕы аэропорт көтөр балаһата эмиэ ууттан босхолонно, куурбутун кэннэ бөһүөлэги кытта авиа сырыы сөргүтүллүөҕэ.
Уу таһыма түһэн, Дьокуускай Даркылаах түөлбэтигэр турбут уу барда, Кангаласс нэһилиэнньэлээх пуунугар билиҥҥи туругунан 8 олорор уһаайба ууттан босхолонно.
Нам улууһугар уу таһыма салгыы түһэр, Үөдэй сэлиэнньэтин түөрт тэлгэһэтиттэн уу барда.
Санатан эттэххэ, Саха Өрөспүүбүлүкэтигэр быйыл ыам ыйын 11-19 күннэригэр Өлүөхүмэ, Ньурба, Үөһээ Халыма, Нам уонна Дьокуускай куорат уокуругун 27 нэһилиэнньэлээх пууна ууга былдьаммыта.
Ил Дархан Айсен Николаев уустук халаанынан сибээстээн, кэккэ улуустарга эрэгийиэн таһымнаах ыксаллаах быһыыны-майгыны биллэрэр туһунан Ыйаахха илии баттаабыта.
Ыйаахха олоҕуран эрэгийиэҥҥэ нэһилиэнньэлээх пууннары уонна экэниэмикэ эбийиэктэрин, дьон олоҕун хааччыйар, ууттан эмсэҕэлээбит дьоҥҥо социальнай уонна матырыйаалынай көмөнү оҥорор үлэ көхтөөхтүк барар.
СӨ Ил Дарханын уонна Бырабыыталыстыбатын пресс-сулууспата.
Ахсынньы 24 күнүгэр «Бриллианты Якутии» ансаамбыл 2025 сылы түмүктүүр аһаҕас уруогун үрдүк таһымнаахтык ыытта! [gallery…
Үөрэх тиһигин оптимизацията үөрэх хаамыытыгар хоромньуну оҥоруо суохтаах. Бу туһунан өрөспүүбүлүкэ баһылыга Айсен Николаев Ил…
Социальнай пуонда Саха сирнээҕи салаата иһитиннэрэринэн, биэнсийэни уонна оҕо босуобуйаларын Саҥа дьыл иннинэ эрдэ биэриэхтэрэ. …
Ю.П. Степанов аатынан инбэлииттэри чөлүгэр түһэрэр өрөспүүбүлүкэтээҕи кииҥҥэ 557 байыаннай дьайыы кыттыылааҕа уонна кинилэр дьиэ…
Аны сайын Кэбээйи улууһугар Олоҥхо ыһыаҕа ыытыллар. Ону көрсө Сииттэ оскуолатын таһыгар төрөппүттэр оҕолорун кытта…
Абый улууһун борокуруора оскуолаҕа уруокка эт-хаан эчэйиитин ылбыт оҕоҕо харчынан толуйууну төлөттө. 2014 сыллаахха төрөөбүт…