Саабыланан киирсиигэ саха оҕолоро икки мэтээллээх кэллилэр

Кулун тутар 16 күнүгэр Хабаровскай куоратын 35-с №-дээх оскуолатыгар фехтованияҕа бастыыр иһин аһаҕас  күрэх буолан ааста. Манна 2007-2013  сыллаах төрүөх оҕолор кытыннылар. Ол курдук оҕолор саастарынан икки бөлөххө арахсан күрэхтэстилэр.

Биһиги өрөспүүбүлүкэбититтэн Дьокуускай куорат Вензель кулуубуттан алта кыыс уонна алта уол кытынна. Күрэхтэһии түмүгүнэн Саха сирин оҕолоро икки үрүҥ көмүс мэтээллээх кэллилэр.

Улахан бөлөх оҕолорго Варвара Алексеева  17-c №-дээх оскуола, Михаил Федоров  2-с №-дээх оскуола оҕолоро миэстэлэстилэр. Тириэнньэр Ефросинья Волынкина бэлиэтииринэн,  оҕолорго бу бастакы күрэхтэһиинэн буолбут. Бу успуорт көрүҥэ биһиги эрэгийиэммитигэр саҥа сайдан эрэр. Фехтование олус интэриэһинэй, интеллектуальнай успуорт көрүҥэ буоларын тириэнньэр бэлиэтиир.