Хаартыска: СИА
Бүгүн, кулун тутар 10 күнүгэр, байыаннай дьайыы кыттыылаахтарын, кинилэр дьиэ кэргэттэрин мэдиссиинэ реабилитациялааһынын уонна Саха сирин быраастара Кировскай, Докучаевскай куораттар байыаннай госпиталларыгар үлэлэрин туһунан брифинг буолла.
Спикер, СӨ Доруобуйаҕа харыстабылын исписэлииһэ Любовь Павлова «Саха» НКиХ уонна «Якутия 24» ханаалларынан уонна «Тэтим» араадьыйанан өрөспүүбүлүкэҕэ анал байыаннай эпэрээссийэ 3087 кыттааччытыгар мэдиссиинэ көмөтө оҥоһуллубутун иһитиннэрдэ. Итинтэн 2,5 тыһыынча кэриҥэ киһи амбулаторнай, 800-тэн тахса байыаннай сулууспалаах стационарга сытан эмтэнэр.
“331 байыаннай дьайыы кыттыыллааҕа мэдиссиинэ реабилитациятын ааста. Ону тэҥэ, анал байыаннай эпэрээссийэ 660 кыттааччытыгар психотерапевтическай уонна психиатрическай мэдиссиинэ көмөтө оҥоһулунна. Ааспыт сыл муус устар ыйыттан анал байыаннай дьайыы кыттыылаахтарыгар диспансеризация ыытыллар. Бу үлэҕэ өрөспүүбүлүкэҕэ бастакы мэдиссиинэ көмөтүн тэрилтэлэрэ бары кыттыһан эрэллэр», — диэн бэлиэтээтэ Любовь Павлова.
Былырыыҥҥыттан саха быраастара симиэнэнэн солбуһан, Докучаевскай уонна Кировскай куораттарга үлэлииллэр. Онно билигин хирург уонна травматологтар бааллар. Маны таһынан, өрөспүүбүлүкэтээҕи офтальмологическай килиниичэскэй балыыһа быраастара кыбаартал аайы ДНӨ куораттарыгар тиийэн үлэлииллэр.
Эмчиттэр биригээдэлэрин үлэтэ Ил Дархан Айсен Николаев сорудаҕынан ыытыллар.
Терапевт-быраас Виктория Макарова чэгиэн буолуу кистэлэҥин кэпсээтэ:
СӨ Аҕа баһылыгын уонна бырабыыталыстыбатын дьыалаларын управлениета "Туймаада-ньиэп" хампаанньа өйөбүлүнэн, Дьокуускай куорат киинигэр баар административнай…
Кулун тутар 9 күнүгэр Сиргэ G1-G2 бааллаах, орто кээмэйдээх магнитнай буурҕа түспүтэ. Күн-дьыл туругуттан тутулуктаах…
Арассыыйа бэрэсидьиэнэ Владимир Путин «Аҕа дойдуну көмүскээччилэр» пуонда үлэтин кэҥэтэн, сураҕа суох сүппүт байыаннай дьайыы…
Бүтүн Арассыыйатааҕы “Служение” бириэмийэҕэ Дьааҥы оройуонун Адыаччы нэһилиэгин урукку баһылыга, анал байыаннай дьайыыга сылдьан ааспыт…
Ыраах Тымныы полюһугар Өймөкөөҥҥө эмчиттэр бөлөхтөрө хонуктуу сытан дьону көрүөхтэрин-истиэхтэрин туһунан түһээн да көрбөт этилэрэ.…