Хаартыска: www.sakha.gov.ru
Бэс ыйын 18 күнүгэр Хабаровскайга Уһук Илин федеральнай уокурук норуоттарын «Разговоры о важном для взрослых» уокуруктааҕы пуорум саҕаланна.
Тэрээһин иһинэн Арассыыйа Кыайыы тула түмсэр сыаллаах национальностар икки ардыларынааҕы уопсастыбалара патриотизмы иитиигэ уонна тардыыга уустук соругу быһаарыахтара.
Тэрээһиҥҥэ 300-тэн тахса кэмпириэнсийэ уонна норуоттар икки ардыларынааҕы холбоһуктар бэрэстэбиитэллэрэ эрэ буолбакка, РФ бары 11 эрэгийиэниттэн КМНС бэрэстэбиитэллэрэ кыттыыны ыллылар. Кинилэри өйүүргэ федеральнай уопсастыба санаатын лидердэрэ, байыаннай кэрэспэдьиэннэр, информационнай-пропагандистскай утары охсуһуу эйгэтигэр исписэлиистэр кэлбиттэр. Пуорум үлэтигэр Саха сирин дэлэгээссийэтэ кыттыыны ылар.
«Пуорум былаһааккаларыгар Уһук Илин федеральнай уокурук территориятыгар олорор бары норуоттар түмүстүбүт. Араас омук уонна кэмпириэнсийэ бэрэстэбиитэллэрэ аныгы Арассыыйаҕа патриотизм тиэмэтин дьүүллэһэллэр. Бэйэлэрин уопуттарын, билиилэрин-көрүүлэрин кытта үллэстээри олус үчүгэй лектордар уонна спикердэр кытталлар. Бүгүн биһиэхэ саамай сүрүнэ — дойду үрдүнэн Кыайыыны ситиһии. Уопсай күүһүнэн биһиги фроҥҥа уонна тыылга бары Кыайыыны хайдах кыалларынан түргэтэтэргэ дьулуһуохтаахпыт», — диэн бэлиэтээтэ СӨ Ил Дарханын уонна Бырабыыталыстыбатын дьаһалтатын салайааччы Георгий Михайлов.
Пуорум дьыалабыай бырагырааматын РФ Бэрэсидьиэнин Уһук Илиҥҥэ боломуочуйалаах бэрэстэбиитэлин солбуйааччы Григорий Куранов арыйда. Пуорум бүгүҥҥү тэрээһинэ гимн ырыанан саҕаланна. Григорий Куранов пуорум кыттыылаахтарыгар Российскай Федерация Бырабыыталыстыбатын Бэрэссэдээтэин солбуйааччы — Уһук Илин федеральнай уокурукка Российскай Федерация Бэрэсидьиэнин боломуочуйалаах бэрэстэбиитэлин солбуйааччы Юрий Петрович Трутнев эҕэрдэтин тиэртэ.
«Уһук Илин уоукурук — бу улахан территория. Тыһыынчанан куораттарынан уонна бөһүөлэктэринэн, сэлиэнньэлэринэн уонна нэһилиэктэринэн араас национальностаах, идэлээх, итэҕэллээх дьон олорор. Хас биирдии норуот бэйэтэ туспа интэриэстээх, төрүт үгэстээх уонна олоҕурбут укулааттаах. Ол эрээри, биһиги бары биир дойду, улуу Арассыыйа гражданнара буолабыт. Биһигини барыбытын култуурунай нэһилиэстибэбит уонна устуоруйабыт сомоҕолуур: Пушкин уонна Гоголь, Глинка уонна Чайковскай, Менделеев уонна Гагарин, ону кытта, биллэн турар, төрөөбүт дойдуга тапталбыт», — диэн эттэ Юрий Трутнев. Сиһилии манна аах.
Бүгүн, ахсынньы 13 күнэ, САССР норуодунай артыыһа, сахалартан бастакынан улуу сирдьит Ленин оруолун саха национальнай…
Маны туһанан Арассыыйаҕа түөкүттэр сиэри таһынан баран эрэллэр. Куйаар ситимэ киириэҕиттэн бэйэтэ да түргэтээбит, ааһа…
Саҥа сылы көрсө харыйаны туруоруу, дьиэни киэргэтии аҥаардас бырааһынньыкка эрэ бэлэмнэнии буолбатах. Фэн-шуй этэринэн, бу барыта…
Биир үтүө күн маҕаһыыҥҥа бэркэ билэр дьахтарбын көрсө түстүм. Билэр киһи сиэринэн, үөрэ-көтө дорооболоһоору гыммытым,…
Дойду бэйэтэ оҥорон таһаарар аһынан-үөлүнэн хааччынар буоллаҕына, бигэ туруктаах, сарсыҥҥыга эрэллээх, дьоно-сэргэтэ чэгиэн туруктаах буолар.…
Чэпчэтиилээх куортам бырагыраамата 2022 сыллаахха Илиҥҥи экэнэмиичэскэй пуорум үлэтин түмүгүнэн, бэрэсидьиэн Владимир Путин көҕүлээһининэн, олоххо…