Хаартыска: sakha.gov.ru
2024 сыл сэтинньи 6 күнүттэн 16 күнүгэр диэри Арассыыйа Федерациятын Үөрэҕин министиэристибэтин өйөбүлүнэн “Мин көс аҕа дьиэ кэргэним” Бүтүн Арассыыйатааҕы коункурус буолла.
Саха сириттэн Муома улууһун Улахан Чыыстай сэлиэнньэтиттэн Юлия уонна Николай Громовтар, Елена уонна Василий Соловьевтар, Эбээн Бытантай национальнай улууһун Баатаҕай Алыыта сэлиэнньэтиттэн Туйаара Колесова уонна Алексей Юмшанов, Кэбээйи улуһуун Сэбээн Күөл сэлиэнньэтиттэн Наталья уонна Степан Захаровтар кытыннылар.
”Интеграция традиицонной культуры в образовательный процесс” номинацияҕа Муоматтан эбээн тылын уонна литературатын учуутала Евдокия Викторовна Соловьева лауреат буолла.
Кыттааччылары Саха сирин баһылыга Айсен Николаев эҕэрдэлээтэ.
“Биһиги көс аҕа ыалларбытын ситиһиилээхтик кыттыбыккытынан эҕэрдэлиибин. Хоту дойду төрүт норуоттарын култуураларын уонна олохторун укулаатын харыстааһыҥҥа киллэрэр кылааккыт иһин махтанабын”, — диэн телеграм-каналыгар Айсен Николаев суруйда.
РФ Бэрэсидьиэнэ Владимир Путин Бырабыыталыстыбаҕа Хоту дойду, Сибиир уонна Уһук Илин норуоттарын тылларын үөрэтиини өйүүр боппуруостары болҕойорго сорудахтаата.
Куонкурус сүрүн идиэйэтинэн төрүт үгэстэри илдьэ сылдьыыга тыл суолтатын бэлиэтээһин буолар. Аныгы глобализация уонна урбанизация көс норуоттар олохторугар кытаанах ыҥырыылары үөскэтэллэр.
Куонкуруһу “Национальная родительская ассоциация социальной поддержки семьи и защиты семейных ценностей” ХЭТ тэрийдэ.
Саха Өрөспүүбүлүкэтин Ил Дарханын уонна Бырабыыталыстыбатын пресс-сулууспата
Саха сиригэр мэдиссиинэ көмөтүн 2593 байыаска оҥордулар. Бу туһунан брифиҥҥэ Доруобуйа харыстабылын министиэристибэтин кылаабынай терапева…
Бэнидиэнньиккэ, ахсынньы 16 күнүгэр, Ил Дархан Айсен Николаев өрөспүүбүлүкэ бырабыыталыстыбатын салайааччыларын, дьаһалтатын кытта былааннаах мунньаҕы…
Саха сирин олохтоохторугар сааскы халаан уутуттан эмсэҕэлээбиттэргэ хоромньуларын толуйарга 1 миллиард солкуобайы ыытыахтара. Төлөбүрдэри сыл…
Бу нэдиэлэҕэ саамай кылгас күннэр, саамай уһун түүннэр туруохтара. Күн муҥутаан кылгыыр кэмэ быйыл ахсынньы…
Дьокуускай куоракка Ньурба күннэрин чэрчитинэн, Арассыыйаҕа Дьиэ кэргэн, Марха улууһа төрүттэммитэ 200 сылларыгар аналлаах Үйэн…
Саха сирэ Бэрэсидьиэн национальнай бырайыактарын үбүлээһин таһымынан ТОП-5 эрэгийиэн иһигэр киирдэ. Бу туһунан Ил Дархан…