Саха сирин олохтоохторо Бүтүн Арассыыйатааҕы субуотунньукка кыттыахтара

Саха сирин олохтоохторо бу сыл муус устар 26 күнүттэн ыам ыйын 12 күнүгэр диэри ыраастаныы аахсыйаҕа кыттыахтарын сөп.

Бүтүн Арассыыйатааҕы субуотунньук РФ Тутуу министиэристибэтин өйөөһүнүнэн ыытыллыаҕа уонна куорат эйгэтин, экологическай сыһыан тиэмэтигэр ананыаҕа. Бу туһунан Ил Дархан иһинэн Архитектура уонна градостроительство управлениета иһитиннэрэр.

Баҕалаахтар  тиэргэннэрин хомуйуохтарын, сибэккилэри, мастары олордуохтарын, кулуумбалары тэрийиэхтэрин, оттон тэрилтэлэр территориялары ыраастаныыга, олохтоохторго территориялары хомуйууга көмөлөһүөхтэрин сөп. Итини таһынан субуотунньуктар тупсарыллыбыт территорияларынан уонна саҥа сирдэринэн ыытыллыахтара.

Ону таһынан Саха сирин олохтоохторо  муус устар 21 күнүттэн бэс ыйын 12 күнүгэр диэри zagorodsreda.gosuslugi.ru платформаҕа 2026 сылга олоххо киллэриллиэхтээх тупсарыы бырайыактары талыахтарын сөп.