Саахал кэнниттэн эмсэҕэлээбит дьону балыыһаттан таһаардылар

Муус анныгар массыына түһүүтүгэр эмсэҕэлээбит дьон балыыһаттан таҕыстылар диэн СӨ Доруобуйа харыстабылыгар министиэристибэтэ ТАСС-ка иһитиннэрбит. 

Биэдэмистибэ иһитиннэрбитинэн, эмсэҕэлээбиттэр бары балыыһаттан тахсыбыттар.

Санатан суруйдахха, 2025 сыл ахсынньы 27 күнүгэр Дьокуускайга Өлүөнэ эбэни туоруурга Toyota Estima массыына муус анныгар түспүтэ. Массыынаҕа сэттэ киһи баарыттан, алта киһи бэйэлэрэ тахсыбыттар. Солуоҥҥа хаалбыт 11 саастаах кыыс уонна биир эр киһи суорума суолламмыттара. Биэс киһи госпитализацияламмыта.