Саахал мэдиссиинэтин өрөспүүбүлүкэтээҕи киинэ 1600 кэриҥэ сорудаҕы толордо

Саахал мэдиссиинэтин киинэ өрөспүүбүлүкэ олохтоохторугар күн ахсын санитарнай-авиационнай көмөнү оҥорор.

Быйыл 1598 санитарнай-авиационнай көмө оҥоһуллубут. Санитарнай рейстэр ыксаллаах быһыы-майгы буоллаҕына суһаллык көтөллөр. Ол курдук, ордук сүрэх араас ыарыытынан, эчэйиинэн санитарнай рейс көмөтүгэр наадыйаллара бэлиэтэнэр.

Маныаха кэнники сылларга санитарнай авиация күүскэ сайдыыта, федеральнай бүддьүөттэн үбүлээһин үрдээһининэн ситиһиллибитин СӨ доруобуйа харыстабылын миниистирэ Лена Афанасьева бэлиэтиир.

Санитарнай авиация үлэтигэр 5 самолет уонна 17 вертолет баар. Салгын ааллара суһал көмөнү оҥорорго аныгы ирдэбилгэ эппиэттиир тэрилинэн хааччыллыбыттар.

СӨ доруобуйа харыстабылын министиэристибэтин саайтыттан