Хаартыска: Доруобуйа харыстабылын министиэристибэтиттэн
СӨ доруобуйа харыстабылын миниистирэ Лена Афанасьева ыам ыйын 19 күнүгэр Саахал мэдиссиинэтин өрөспүүбүлүкэтээҕи киинин салайааччыларын кытары суһал мунньаҕы ыыппыта.
Миниистир сорудаҕынан, Саахал мэдиссиинэтин киинэ суһал бөлөҕү тэрийэ охсон, 2 мобильнай госпиталлаах, мэдиссиинэ тэриллээх уонна эмтээх-томтоох көһө сылдьар пуунун илдьэ Нам улууһугар тиийбитэ. Бырааһы ыксаллаах быһыыга-майгыга уонна гражданскай оборонаҕа солбуйааччы Сукулов Е.П., Ыксаллаах быһыы-майгы уонна гражданскай оборона сүрүннүүр исписэлииһэ Сильвестрова А.И. улууска тиийэн, Нам улууһун оройуоннааҕы киин балыыһатын салайааччыларын кытары мунньаҕы ыыппыттара. Мунньах түмүгүнэн мэдиссиинэ бастакы суһал биригээдэтин ыраах сытар, ыксаллаах балаһыанньа үөскээбит Хатырык сэлиэнньэтигэр ыыппыттара.
СӨ Саахал мэдиссиинэтин киинэ иһитиннэрэринэн, Хатырык сэлиэнньэтигэр быраастар уонна биэлсэрдэр суукканы быһа нэһилиэнньэ доруобуйатын бэрэбиэркэлээтилэр. 213 киһи, ол иһигэр 8 оҕо доруобуйатын көрдөрдө. Ол түмүгэр:
Нам улууһун оройуоннааҕы киин балыыһатыгар сүрэх ишемическэй ыарыылаах, сүрэҕин тэбиитэ кэһиллиилээх 3 ыарыһаҕы киллэрдилэр;
Глаукомалаах, сүрэҕин тэбиитэ кэһиллиилээх, ойоҕостотуулаах уонна аппендицита бэргээбит 4 киһини дириҥник чинчийиигэ ыыттылар;
Фарингиттаах, бронхиттаах 6 ыарыһах тастан эмтэнэ сылдьар.
Ыам ыйын 20 күнүгэр Нам улууһугар Саахал мэдиссиинэтин киинин иккис биригээдэтэ тиийэн, ууга барбыт Граф Биэрэгэр үлэлээтэ. Манна 42 киһи мэдиссиинэ өҥөтүгэр наадыйда. Ону таһынан быраастар дьиэлэри кэрийэ сылдьан көрөллөр уонна ханна да кыайан тиийэр кыаҕа суох дьон доруобуйатын бэрэбиэркэлээтилэр.
Саахал мэдиссиинэтин киинин биригээдэлэрэ улуус ууга барбыт сэлиэнньэлэригэр күн бүгүҥҥэ диэри үлэлии сылдьаллар, нэһилиэнньэҕэ мэдиссиинэ уонна уйулҕа көмөтүн оҥороллор.
Александр Бастрыкин Светлай бөһүөлэгэр бэйдиэ сылдьар ыттар үөрдэрэ саастарын ситэ илик оҕолорго саба түспүт чахчытынан…
Норуоттар сомоҕолоһууларын күнүгэр «Норуот уонна аармыйа — биир сомоҕо» фашизмы утары өрөспүүбүлүкэтээҕи III пуорум чэрчитинэн,…
Бүгүн, сэтинньи 4 күнүгэр, СӨ Бырабыыталыстыбатын бэрэссэдээтэлэ Кирилл Бычков Норуот сомоҕолоһуутун күнүгэр анаммыт «Доҕордоһууну, Эйэни,…
Норуот сомоҕолоһуутун күнүгэр Дьокуускайга автопробег ыытылынна. Бу туһунан Дьокуускай куорат дьаһалтатын пресс-сулууспата иһитиннэрэр. Массыына холуонната…
Байанай ыйа саҕаланар биир күнүгэр Клара Андреевна уонна Никандр Прокопьевич Тимофеевтарга улуу олоҥхону дьоһуннаан олорон…
РФ Силиэстийэлиир кэмитиэтэ Саха сиригэр Алдан куоракка саахалланар туруктаах дьиэ олохтоохторун өр кэмҥэ көһөрбөтөх чахчытынан…