ЫБММ хаартыската.
«Тойота Ипсум» массыына суоппара Дьокуускайтан Бүлүүлээн иһэн, федеральнай суол 419-с килэмиэтиригэр тохтоон турар «Скания» тырааныспарга кэлэн түспүт. «Скания» массыына суоппара тиэйэн испит таһаҕаһын бэрэбиэркэлээри тохтообут. Бу туһунан СӨ Госавтоинспекцията иһитиннэрэр.
Бу охсууттан «Тойота Ипсум» суол утары балаһатыгар тахсан, бырысыаптаах «ТЛК Прадо» массыынаны кытта харсыспыт.
Суол саахалын түмүгэр «Тойота Ипсум» түөрт пассажира суһал көмө биригээдэтэ кэлиэн иннинэ өлбүт, икки киһи эчэйбит. Өлбүттэр истэригэр саҥа төрөөбүт оҕо ийэтинээн, аҕатынаан уонна 60 саастаах эбэтинээн бааллар. Саахал кэмигэр бары курдарынан баанан олорбуттар, оҕо автолюлькаҕа сыппыт.
Пассажирскай сидиэнньэҕэ олорбут 37 саастаах дьахтар уонна кини саҥа төрөөбүт оҕото эчэйбиттэр. Дьахтар тааһын уҥуоҕун уонна саннын тоһуппут, оҕото хомурҕанын тоһуппут. Кинилэри Дьокуускайга аҕаллылар.
«Тойота Ипсум» суоппара 20-ттэн тахса сыл ыстаастаах. Бүтэһик сыл иһигэр суол быраабылатын түөртэ кэһэ сылдьыбыт. Саахал кэмигэр арыгы испэтэх, араас эчэйиилэри ылбыт.
Суоппар эппитинэн, кини тохтоон турбут тырааныспары гаастан сылтаан көрбөтөх, айаннаан иһэр дии санаабыт. «ТЛК Прадо» уонна «Скания» массыыналар суоппардара эчэйбэтэхтэр, саахал кэмигэр арыгы испэтэхтэр.
Быһылаан төрүөттэрэ быһаарыллаллар, холуобунай дьыаланы тэрийэр туһунан кэпсэтии барар.
Үөһээ Бүлүү улууһун Баҕадьа сэлиэнньэтигэр оскуола-саад үлэҕэ киирдэ. Бүгүн өрөспүүбүлүкэ үрдүнэн тоҕус социальнай эбийиэк аһылынна.…
Үрдүк үөрэхтэргэ уонна кэллиэстэргэ Биир кэлим эксээмэни туттарбакка үөрэххэ киирии туһунан сокуон барылын дьокутааттар бөлөхтөрө…
Амма улууһун Михайловка сэлиэнньэтигэр Норуот айымньытын дьиэтэ үөрүүлээх быһыыга-майгыга аһылынна. Бүгүн өрөспүүбүлүкэ үрдүнэн тоҕус социальнай…
Ленскэй оройуонунааҕы ИДьМ дьуһуурунай чааһыгар маркетплейс бэрэстэбиитэлиттэн сайабылыанньа киирбит. Инвентаризация кэмигэр табаары биэрэр пуунтан 300…
Оҕуруоту, сибэккини олордууга сүбэлэр Сүрүннээн тохсунньуттан үүнээйини олордуу саҕаланар. Арктикатааҕы судаарыстыбаннай агротехнологическай университет ойуур комплексыгар…
Дьокуускайдааҕы ИДьМ салаатыгар дьахтар балыыһаҕа сылдьан тас таҥаһын уордарбытын туһунан иһитиннэрбит. Бу туһунан СӨ ИДьМ…