Саахалы туоратыыга үлэ барар

Амма, Чурапчы, уонна Уус Маайа оройуоннарыгар киин электрическэй ситим энергетиктэрэ тахсыбыт саахалы туораттылар.

Таатта уонна Томпо улуустарыгар дизельнэй ыстаансыйалар быстах схеманан үлэлииллэр. Маны таһынан кыраапыгынан хааччахтааһын оҥоһуллар. Тааттатааҕы РЭС биригээдэтэ «Чурапчы-Хаандыга» туһаайыыга  алдьаныы тахсыбыт «Ытык Күөл» учаастагын буллулар.  Чөлүгэр түһэрии үлэҕэ 14 киһи уонна 2 тиэхиньикэ үлэлиир.

Киин  электрическэй тиһик пресс-сулууспата иһитинэрбитинэн,  саахал толору туоратыллыар диэри үлэ ыытыллыаҕа.