Хаартыска: доруобуйа харыстабылын министиэристибэтэ.
Былырыын саахар диабетынан ыалдьар 270 оҕо глюкозаны тохтоло суох кэтээн көрөр систиэмэнэн уонна наадалаах матырыйаалынан хааччыллыбыттара, быйыл бастакы кыбаарталага 264 оҕо хааччылынна диэн доруобуйа харыстабылын министиэристибэтэ иһитиннэрэр.
«Уһун уонна көхтөөх олох» саҥа национальнай бырайыак үлэлээн, саахар диабетын эрдэттэн булан эмтээһин, ыарыыга ылларыан сөптөөх дьон ортотугар сэрэтэр миэрэлэри ыытыы уонна ыарыһахтары глюкоза таһымын быһаарар эмтэринэн, мэдиссиинэ бородууксуйатынан хааччыйыы кыһалҕаларын быһаарыы салҕанар», — диэн бэлиэтээтэ миниистир Лена Афанасьева.
2-тэн 17-гэр диэри саастаах оҕолор глюкоза кээмэйин тохтоло суох хонтуруоллуур систиэмэлэр хааччыллаллар. 1-кы көрүҥнээх диабеттаах оҕолор бу систиэмэлэри 2023 сылтан босхо ылар буолбуттара. Быйыл ити сыалга федеральнай уонна эрэгийиэннээҕи бүддьүөттэн үп-харчы эмиэ көрүллүбүтэ.
Саха сирин доруобуйа харыстабылын министиэристибэтин кылаабынай педиатра Александра Уарова этэринэн, оҕолорго мониторинг систиэмэтин анааһын туһунан быһаарыы мэдиссиинискэй көрдөрүүлэргэ уонна олорор сиригэр баар балыыһаларга мэдиссиинэ хамыыһыйатын быһаарыытыгар олоҕуран ылыллар.
«Саахар диабета кубулҕаттаах ыарыы, глюкоза таһыма кутталлаахтык түһэрин эбэтэр үрдээбитин быһаарарга өрүү кэтээн көрүүнү ирдиир. Эмтээһин көдьүүһүн сыаналыырга хонтуруол эмиэ наада», — диэн тоһоҕолоото Александра Уарова.
Дьокуускай куорат борокуратуурата 35 саастаах киһи холуобунай дьыалатыгар судаарыстыбаннай буруйдааһыны өйөөтө. Бу сууттаммыт киһи өлөрүүгэ…
Бүгүҥҥүттэн Дьокуускай куоракка Саха Өрөспүүбүлүкэтин муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ саҕаланна. Сийиэс икки…
РФ билимин, үрдүк үөрэҕин министиэристибэтэ 2026-2027 үөрэх дьылыгар министиэристибэ иһинэн үлэлиир үрдүк үөрэх кыһаларыгар тутарсарга,…
Федеральнай ханаал бырагырааматыгар Саха сиригэр олорор дьахтар төрүүр дьиэҕэ оҕотун уорбуттарын туһунан кэпсээтэ. Бу түмүгүнэн…
- «Улуу Кыайыы айымньылара » рубрикаҕа сэрии дьон дьылҕатынан оонньуурун туһунан Прокопий Чуукаар «Дьол хараҕын…
Арассыыйа бэрэсидьиэнэ Владимир Путин «Сахатранснефтегаз» национальнай ньиэп уонна гаас хампаанньатыгар тус махталын биллэрдэ. Туһааннаах дьаһал…