Саахарынай диабеттаах оҕолору  саҥа систиэмэнэн салгыы хааччыйаллар

Дьокуускай куорат 1 нүөмэрдээх поликлиникатыгар НГМ (система непрерывного мониторинга глюкозы) систиэмэни 1 тииптээх саахарынай диабеттаах 17 оҕоҕо биэрэллэр. Саха сиригэр маннык прибордары барыта 2-17 саастаах 270 оҕо ылар.

НМГ систиэмэтин поликлиникаларга  быраас хамыыһыйатын түмүгэр олоҕуран биэрэллэр. Оҕолору педиатрдар уонна оҕо эндокринологтара кэтээн көрөллөр. Бу систиэмэ көмөтүнэн оҕолор хаан анаалыһын ыларга тириини ыарыылаахтык тэһэ анньыыттан босхолоноллор.

СӨ доруобуйа харыстабылыгар миниистирэ Лена Афанасьева:

“Маннык систиэмэнэн туһаныы түмүгэр саахарынай диабеттаах оҕолор олохторун хаачыстыбата тупсарын таһынан, эмчиттэр оҕо саахара хайдах уларыйарын толору билэллэригэр кыах үөскээтэ. Ол түмүгэр кинилэр инсулинотерапияны чопчутук сүрүннүүллэр”, — диэн быһаарар.

Манна даҕатан эттэххэ, бу систиэмэлэри ”Уһун уонна көхтөөх олох” национальнай бырайыагынан босхо туһаныллар.