Бэҕэһээ гроссмейстердар, ФИДЕ маастардара, эдэр талааннар кыттыылаах саахымакка Саха сирин Ил Дарханын Куубага саҕаланна. Арассыыйа Куубагын бастакы түһүмэҕэ Дьокуускайга Национальнай ойуулуур-дьүһүннүүр мусуой дьиэтигэр саҕаланна, диэн СИА иһитиннэрэр.
Улахан түһүлгэ кыттыылаахтарын өрөспүүбүлүкэ вице-премьерэ Сергей Местников эҕэрдэлээтэ. Кини физкултуура хамсааһынын 100 сылыгар өрөспүүбүлүкэҕэ Ил Дархан Куубага ыытыллыыта Бүтүн Арассыыйатааҕы хабааннаах бастакы бөдөҥ күрэхтэһии буоларын бэлиэтээтэ. «Ааттаах-суоллаах спортсменнар кытталлар – бүгүн алта гроссмейстер кыттар», — диэтэ Сергей Местников.
Саахымат федерациятын бэрэсидьиэнэ Владимир Егоров куубак түмүгүнэн 31 номинация кыайыылааҕа биллиэҕэ диэтэ. “Саамай кэрэ партия” диэни бу күннэргэ эбэн биэрбиттэрэ. Баскыһыанньаҕа саахыматы таптааччылары блиц-турнирга ыҥыраллар, гроссмейстердар тэҥинэн оонньуохтара. Күрэхтэһии онлайн-трансляцияҕа көстөр. Бастакы туурга өрөспүүбүлүкэ чөмпүйүөнэ Евдокия Избекова Арассыыйа чөмпүйүөнэ Антон Шомоевы кытта (Бурятия) көрүстэ, оттон күрэхтэһии фаворита, Арассыыйа былырыыҥҥы Куубагын хаһаайына Борис Грачев Александр Ивановы кытта партиятын саҕалаата (Москва).
Үрдүк национальнай рейтиннээх саахыматчыттар испииһэктэрин Арассыыйа Куубагын хаһаайына Борис Грачев баһылыыр. Салгыы норуоттар икки ардыларынааҕы гроссмейстердар Михаил Кобалия (Москва), Антон Шомоев (Бурятия), Володар Мурзин (Москва уобалаһа), Дмитрий Кряквин (Крым).
Санаттахха, куубак бирииһин уопсай пуондата — 1,1 мөлүйүөн солкуобай. Призердарга эксклюзивнай мэтээллэри бэлэмнээтилэр. Бастакы миэстэҕэ 6х6 см кээмэйдээх үрүҥ көмүстэн кыһыл көмүстээх мэтээл. Иккис миэстэҕэ — үрүҥ көмүстэн, боруонсаттан – үһүс миэстэҕэ. Үс призер чороон курдук улахан куубактары ылыахтара. 2023 сылга саахымакка эр дьоҥҥо “Саха Өрөспүүбүлүкэтин Ил Дарханын Куубага” Арассыыйа Куубагын түһүмэҕэ АЛРОСА АК (ПАО), “Саха сирин тимир суоллара” АК, Иркутскайдааҕы ньиэп хампаанньатын, “Высочайший” ПАУо, “РНГ” АУо өйөбүллэринэн ыытыллар. Тэрийээччилэр – СӨ Бырабыыталыстыбата, РФ Успуорка министиэристибэтэ, СӨ физическэй култуураҕа уонна успуорка министиэристибэтэ уо.д.а.
Мария Васильева, СИА хаартыската.
Ахсынньы 28 күнүгэр өрөбүллээҕи Оһуокайбыт буолла.Быйыл иккис сылын Чысхаан кэлэн алгыстаах оһуокайы таһаарда. Чысхаан оруолун…
Биэс сыллаах тохтобул кэнниттэн Москваҕа тыһыынчанан оҕолорго анаан Кириэмил харыйатын тэрээһинэ ыытылынна. Кинилэр истэригэр Саха…
Бу күннэргэ Горнай улууһун Землячествота саҥалыы тыыннаах тэриллибитэ 10-с үбүлүөйдээх сылын бэлиэтиир. Уопсастыбаннай тэрилтэ үлэтин…
Ахсынньы 26 күнүгэр Бүтүн Арассыыйатааҕы “Полиция Тымныы Моруос Оҕонньоро” аахсыйа саҕаламмыта. Бу суолталаах тэрээһиҥҥэ кыттан,…
Бу күннэргэ Саха сирин талааннаах дьоно хаартан-муустан кэлэн иһэр саргылаах Саҥа дьылы көрсө араас оҥоһуктары…
Дьокуускай куоракка сылаас тохтобулларга оҕолор уруһуйдарын көрүөххэ сөп. Ол курдук, “Доҕордоһуу болуоссатын “ уонна “Центральный”…