Хаартыска: СИА
Тохсунньу 22 күнүттэн олунньу 1 күнүгэр диэри саахымакка Ил Дархан Кубога ыытыллыаҕа. Бу эр дьоҥҥо классическай саахымакка Арассыыйа Кубогын түһүмэҕэ буолар. Турнир өрөспүүбүлүкэҕэ иккис төгүлүн ыытыллар. Быйыл 15 түһүмэх былааннаммытыттан, иккиһэ буолар. Бастакы түһүмэх Новосибирскай уобалас Кольцово наукаградыгар буолбута.
Саахымат күрэхтэһиитигэр 1800-тэн намыһаҕа суох рейтиннээх эр дьон уонна 1700-тэн намыһаҕа суох рейтиннээх дьахталлар кытталлар. Бастыҥ кыттааччылар Арассыыйа кубогын финалыгар киирэргэ очукуо ылыахтара.
Былырыын 50-ча кыттааччы баара. Быйыл кыттааччы ахсаана өссө эбиллэрэ күүтүллэр. Норуоттар икки ардыларынааҕы кылаастаах алта гроссмейстер кытталларын бигэргэттилэр. Кинилэр баҕалаахтарга маастар-кылаастары ыытыахтара.
— Саха сириттэн күүстээх саахыматчыттарбыт кыттыахтара. Өрөспүүбүлүкэ хас да төгүллээх чөмпүйүөннэрэ: ФИДЕ маастардара Дмитрий Егоров, Гумар Моисеев, Владимир Таппыров, Роман Ганжуров, спорт маастарыгар хандьыдааттар Максим Попов, Денис Назаров уонна кэккэ кэскиллээх саахыматчыттар кыттыахтара, — диэн СӨ саахымакка федерациятын бэрэсидьиэнэ Владимир Егоров эттэ.
Бириис уопсай пуондата — 1 мөлүйүөн 240 тыһыынча солкуобай. Кыайыылаахтар, призердар «Көмүлүөк» хампаанньа оҥорбут чороон быһыылаах кубоктарынан, «Киэргэ» фирма оҥорбут мэтээллэринэн наҕараадаланыахтара, анал бириистэр эмиэ баар буолуохтара.
Ил Дархан Кубогын «АЛРОСА» хампаанньа үбүлүүр. Ону тэҥэ, «Селигдар», «РНГ», «Саха сирин тимир суоллара» хампаанньалар партнер быһыытынан кыттыһаллар.
Турнир Национальнай художественнай мусуойга ыытыллыаҕа. Интэриниэтинэн быһа холбонууну көрүөххэ сөп. Сиһилии саайтка билсиэххэ сөп: https://cup.sakhachess.ru/.
Ил Дархан, бырабыыталыстыба дьаһалтатын пресс-сулууспата.
Бу салааты биирдэ амсайбыт киһи умнубат, астына-дуоһуйа сиир аһа. Сайыҥҥы чэпчэки, ол эрээри тотоойу уонна…
Таатталар «Манчаар онньууларын» кэмигэр "Тааттаҕа оҥоһулунна" диэн анал быыстапканы тэрийдилэр. Бу туһунан Дьокуускай куорат олохтооҕо…
Балыксыт күнүн көрсө СӨ Тыатын хаһаайыстыбатын уонна ас-үөл бэлиитикэтин Хоту дойду төрүт салааларын сайыннарыыга уонна…
Госдуумаҕа «Сиэрдээх Арассыыйа— Кырдьык иһин» фракциятын дьокутааттара үлэ миниистирэ Антон Котяковка этии ыыттылар. Бэлиитиктэр сиэннэрин…
Арассыыйаҕа 60-тан үөһэ саастаах суоппардарга сыһыаннаах быраабылалары кытаатыннарарга этии киллэрдилэр. Бу туһунан 2030 сылга диэри…
Таатта улууһугар Ытык Күөлгэ "Манчаары оонньууларынан" бүгүн ыытыллыбыт хотугу дэгит күрэс кыайыылаахтара быһаарылыннылар. Хотугу дэгит…