Саахымакка Ил Дархан Куубагар Дмитрий Кокарев бастаата

Бэҕэһээ, тохсунньу 31 күнүгэр, Дьокуускайга Национальнай ойуулуур-дьүһүннүүр түмэлгэ эр дьоҥҥо саахымакка СӨ Баһылыгын Куубагын түмүктэннэ. Кыттааччыларга эҕэрдэ тылы СӨ Бырабыыталыстыбатын бэрэссэдээтэлин солбуйааччы Сергей Местников эттэ, турнир сүрүн спонсордарыгар — «АЛРОСА», «Селигдар», «РНГ» уонна «Сбербанк» хампаанньаларга махтаннылар.

Турнирга түмүгэ маннык буолла:

10 миэстэ — Саха сириттэн Местников Айсен;
9 миэстэ — Саратовскай уобаластан Кованова Баира;
8 миэстэ — Саха сириттэн Жирков Владислав;

7 миэстэ — Бурятия бастакы гроссмейстера Антон Шомоев;
6 миэстэ — Саха сириттэн Егоров Дмитрий;
5 миэстэ — Саратовтан Рычков Олег;
4 миэстэ — Ханты-Мансийскай автономнай уокуруктан Придорожнай Алексей;
3 миэстэ — Крым бочуоттаах гроссмейстера Дмитрий Кряквин;
2 миэстэ — Тольяттиттан аан дойду чөмпүйүөнэ Алексей Гребнев;
1 миэстэ — Свердловскай уобаластан Дмитрий Кокарев.

Кэрэ аҥаардарга кыайыылаахтарынан таҕыстылар:

1. Кованова Баира
2. Моисеева Олеся
3. Пак Полина

Бэтэрээннэргэ:
1.Якименко Александр
2. Таппыров Владимир
3.Струдицкая Галина

18 саастарын туола илик уолаттарга:
1. Местников Давид
2. Томскай Владислав
3. Томскай Альберт

18 саастарын туола илик кыргыттарга:
1. Киселева Эмма
2. Жиманская Татьяна
3. Слепцова Валерия

Ону таһынан кыттааччыларга номинациялары анаатылар. «Саахымакка бэриниилээх оонньуутун иһин» диэн номинацияны турнир саамай аҕа саастаах кыттааччыта Александр Жу ылла. Гроссмейстердар утары оонньууларга бэйэтин көрдөрбүт Слепцов Артур уонна турнир саамай кыра кыттааччыта Деркембаев Айрат номинацияларынан бэлиэтэннилэр.

СӨ Баһылыгын Куубагын кыайылааҕа Дмитрий Николаевич Кокарев этэринэн, турнир үрдүк таһымнаахтык ааспыт. Тэрийээччилэргэ улахан махталын тиэрдэр. Былырыыҥҥы турнирга сатаан кэлбэтэх да буоллар, кини кэтээн көрүүтүнэн, Саха сирин саахыматчыттарын оонньуулара былырыыҥҥы сылтан быдан сайдыбыт, тупсубут. Саахымат көрүҥэ Саха сиригэр салгыы сайда туруо диэн эрэнэр.

Салгыы иккис бочуоттаах миэстэни ылбыт Алексей Гребневтыын кэпсэттибит. Саахымат кини олоҕор олус улахан суолталааҕын бэлиэтээн эттэ. Алексей бу тэрээһинтэн астыммыт уонна дуоһуйбут, турнир хартыына галереятыгар буолбутун ордук сэҥээрбитин эттэ.

Дойдубутугар 2024 сылы бэрэсидьиэн Владимир Путин Дьиэ кэргэн сылынан биллэрбитинэн сибээстээн «Всей семьей» бырайыак ыытыллар. Турнирга Дьокуускайтан Степанова Виктория кытынна. Кини ийэтэ Петрова Александра Петровна турнир туһунан санаатын үллэһиннэ:

— Биһиги дьиэ кэргэммитигэр бу тэрээһин үчүгэйдик ааста, үс аҥаар очукуоланныбыт. Кыыһым Вика бэркэ кытынна дии санаатым. Вика хас биирдии туурун долгуйа күүппүппүт, өйөөрү оонньуларыгар бииргэ сылдьыбыппыт. Кыыспытынан киэн туттабыт уонна кэлин саахымакка өссө да ситиһиилэниэ диэн эрэнэбит.

Яна Оиспова, Аяна Константинова, Олегина Сергучева.