Бүгүн, тохсунньу 30 күнүгэр, Дьокуускайга Национальнай ойуулуур-дьүһүннүүр түмэлгэ эр дьоҥҥо саахымакка СӨ Баһылыгын Куубагын турнирын сэттис суолталаах күнэ буолан ааста.
Оонньуу хайдах барах турарын туһунан турнир дуопустаах судьуйата Гаврил Петрович Винокуров үллэстэр:
— Билигин турнирбыт саамай быһаарыылаах, эппиэттээх ахсыс туура буола турар. Биллэрин курдук, соҕурууттан кэлбит гроссмейстердар таһымнара үрдүк буолан, өрө тахсыахтаахтар этэ.
Бү күҥҥэ диэри саамай элбэх — 6 очукуолаах кыттааччынан гроссмейстер Дмитрий Николаевич Кокарев буолар.
Кини кэнниттэн Сургуттан сылдьар Алексей Придорожнай уонна Ростовтааҕы Донтан кэлбит Дмитрий Кряквин иһэллэр. Хайалара бу туурга кыайбыт Дмитрий Кокаревы кытта тэннэһиэхтээх.
Биир очукуонан Иркутскайтан төрүттээх Антон Шомоев хаалан иһэр. Кини биһиги Сахабыт сирин оҕолорун буолаары турар «Азия оҕолоро» спортивнай оонньууларга бэлэмнии, эрчийэ сылдьар.
Ону таһынан ыраах Тольяттиттан кэлбит аан дойду чөмпүйүөнэ Алексей Гребнев баар.
Кинилэри кытта Самарскай уобаластан Ваира Кабанова, Владивостоктан Олег Рычков уонна биир дойдулаахтарбыт Дмитрий Егоров уонна Юрий Родионов тэҥҥэ иһэллэр.
Ону таһынан бу сарсыарда түргэн түрнир оонньуулара ыытыллынылар. Манна бастакы Олег Рычков, иккис Денис Назаров уонна үһүс Айсен Местников буоллулар.
Сарсын, тохсунньу 31 күнүгэр, тохсус саамай эппиэтинэстээх, тиһэх туур буолаары турар.
Кэлии кыттааччылар саха култураатын кытта билсиһэн, саахымат биһиги олохпутугар суолтатын ырытан, элбэх уопут ылан, алтыһан баран эрэллэр.
Дмитрий Николаевич Кокарев этэринэн, саха оҕолоро саахымакка олус дьоҕурдаахтар, кинилэр сөптөөх хайысханы булан, элбэхтэ эрчиллэн үөһээ тахсар кыахтаахтар.
Дьокуускайтан сылдьар эрэли үөскэтэр саахыматчыттары кытта 15 саастаах Бережных Павеллыын уонна 14 саастаах Местников Давидтыын кэпсэттибит. Уолаттар саахыматынан кыра эрдэхтэриттэн интэриэһиргээн дьарыктаналлар. Турнирга күүстэрин барытын ууран туран, күүскэ эрчиллэн кытыннылар. Бу тэрээһин кинилэргэ, биллэн турар, уопуту уонна умнуллубат түгэннэри бэлэхтээтэ.
Сарсыҥҥы күнү бары долгуйа күүтэбит.
Яна Осипова, Аяна Константинова, Олегина Сергучева бэлэмнээтилэр.
Нумеролог Мариана Тимофеева 2025 сылы билгэлээтэ. Үүммүт сыл, сыыппара хараҕынан көрдөххө, тугу тосхойоруй? Үүммүт Иэйиэхсит…
Ааспыт сууккаҕа Саха сиригэр 5 буруйу оҥоруу тахсыбыта бэлиэтэммит. Бу туһунан СӨ Борокуратууратын пресс-сулууспата суруйар.…
Саха сиригэр национальнай бырайыактары олоххо киллэриитин алта сыл иһигэр 170 эбийиэк тутулунна: 44 оскуола, 24…
Хаҥалас оройуонугар ДПС инспектордара трассаҕа умуллубут массыыналаах суоппар кыыска көмө оҥордулар. Томороон тымныыларга массыына айаннаан…
Саҥа сылга үктэнээт, киин куоракка култуура кииннэригэр, тыйаатырдарыгар араас ис хоһоонноох дьон сынньалаҥар туһуламмыт тэрээһиннэр…
Тохсунньу 5 күнүгэр социальнай ситимнэринэн Кириэмилгэ Арассыыйа Дьоруойа аатынан Муома улууһуттан Сааһыыр олохтооҕун наҕараадалыахтара диэн…