Салгыы
Саахымакка Ил Дархан Куубагын 11 саастаах кыттааччыта санаатын үллэһиннэ

Саахымакка Ил Дархан Куубагын 11 саастаах кыттааччыта санаатын үллэһиннэ

Ааптар:
24.01.2024, 18:57
Бөлөххө киир:

Бүгүн, тохсунньу 24 күнүгэр, Дьокуускайга Национальнай ойуулуур-дьүһүннүүр түмэлгэ эр дьоҥҥо саахымакка СӨ Баһылыгын Куубагын турнирын иккис күнэ буолла. Кыттааччылар бары оонньуу бүтүөр диэри тэтимнээхтик кииристилэр.

Турнир 1 категориялаах судьуйатыттан Мария Семеновна Охлопковаттан тэрээһин туһунан ыйыталастыбыт:

— Бу сылга тэрээһин олус үрдүк таһымнаахтык ааһа турар. Уопсайа 10 саахыматчыт атын куораттартан  кэлбиттэр, кинилэр истэригэр 6 гроссмейстер баар. Ол курдук, бэҕэһээҥҥи оонньуу түмүгүнэн биһиги биир дойдулаахтарбыт Василий Романов уонна Игорь Протодьяконов гроссмейстердары кыайаннар дьиҥнээх сенсация оҥордулар. Маны таһынан саха устудьуона Никита Находкин гроссмейстеры кытта тэҥнэспитэ.
Бүгүҥҥү оонньууттан эмиэ ситиһиилээх түмүгү долгуйа күүтэбит.

Турнир саамай кыра кыттааччытынан Алдантан сылдьар Айрат Эркимов буолар. Кини оонньуу кэнниттэн санаатын үллэһиннэ. Айрат кэпсииринэн, кини бүгүн сыратын-сылбатын барытын ууран туран, долгуйбутун умнан бүгүҥҥү оонньуутун кыайыынан түмүктээбит.

Владивостоктан кэлбит 14 саастаах Эмма Киселева улаханнык долгуйбакка оонньообутун кэпсээтэ. Кини саахыматынан 1 кылаастан интэриэһиргээн дьарыктанар эбит. Кэлин олоҕун саахыматы кытта ситимниир санаалаах.

Бары сонуннар
Салгыы
19 июля
  • 14°C
  • Ощущается: 14°Влажность: 88% Скорость ветра: 1 м/с

Сообщить об опечатке

Текст, который будет отправлен нашим редакторам: