Сааһырбыт киһиэхэ сүбэлэр

Сааһырбыт киһи доруобуйатын күннэтэ көрүнэр, чэбдигирдэр буоллаҕына, уһуннук доруобай, чөл туруктаах сылдьыан сөп.

Сааһырбат дьоҥҥо сүбэлэр:

• Киһи аһыыр аһа үчүгэйдик буһарын туһугар кытаанаҕы кичэйэн, уһуннук 40-50 төгүл ыстыыр наада.
• Оһоҕоско аһы буһарар бактериялар дэлэйэллэрин туһугар аһыйбыт үүт аһы —  суораты, көфири, бөлөнөҕү сиэниллиэхтээх.
• Дисбактериоз буоллаххытына, чосунуогунан эмтэниҥ. Чосунуок итини таһынан искэн ыарыытын үөскэппэт суолталаах. Дисбактериоз сайдар биричиинэтэ — мээнэ химическэй эмтэри туһаныы уонна сыыһа аһааһын.
• Сааһырбыт да киһи төһө кыайарынан үлэлии-хамсыы, сатыы хаама, сүүрэ сылдьыахтаах. Сарсыарда аайы сөбүлүүр хамсаныыларын, йога эрчиллиилэрин, тыыныы эгэлгэтин оҥоруохтаах. Йога киһини доруобай,  муударай уонна чэгиэн өйдөөх оҥорор.
• Көбүс көнөтүк тутта сылдьар туһуттан күҥҥэ хаста даҕаны истиэнэҕэ көхсүгүтүнэн сыста туруҥ уонна ол курдук туттан күнү быһа сылдьыҥ. Сотору кэминэн үөрэнэн хаалыаххыт.

Саха ыалын халандаара, 2010 с.

«Бичик» («Айар») кинигэ кыһата.