архыып
Куһу-хааһы бултааһын, сиргэ-уокка сылдьыы бэрээдэги ирдиир. Онон муус устар 25 күнүттэн бэс ыйын 5 күнүгэр диэри булка федеральнай судаарыстыбанан кэтээн көрүүнү ыытар дуоһунастаах дьон, СӨ ИДьМ, СӨ Росгвардиятын, СӨ ЫБМ, лесничество сотрудниктарын кытта, хонтуруоллуур-кэтэн көрөр эриэйдэлэри ыыттылар. Уопсайа 281 эриэйдэ буолбут.
Бу туһунан СӨ Экологияҕа, айылҕаны туһаныыга уонна ойуур хаһаайыстыбатыгар министиэристибэтин Булт уонна булт баайын харыстааһын департамена иһитиннэрдэ. Бэрэбиэркэ түмүгэр булт быраабылатын 406 кэһии тахсыбыта бэлиэтэммит.
Бэрэбиэркэлээчилэр булт 185 тэрилин былдьаабыттар, итинтэн 153 сааны уонна 23 электроннай тэрили (электроманок), хапкааны уонна 9 туһаҕы, 28 бултаммыт көтөрү.
Бу тэрээһин кэмигэр Булт быраабылатын тутуһууга 2556 киһиэхэ инструктаж аахпыттар. Ону тэҥэ тыаҕа баһаартан куттал суох буолуутун быраабылатыгар — 2461 инструктаһы.
Мэҥэ Хаҥаластааҕы ИДьМ отделын кытта холбоһуктаах эриэйдэлэрин кэмигэр Кыһыл кинигэҕэ киирэр көтөрү (мороду) бултааһын чахчыта биллибит. Билигин матырыйаал тустаах отделга баар.
Санатан эттэххэ, тыаһы үтүктэр электроннай тэрили туһаныы иһин РФ КоАП 8.37 ыст. 1.2 ч. административнай эппиэтинэс көрүллэр. Ол курдук, 1-тэн 2 сылга диэри болдьоххо бултуур быраап быһыллар. Оттон дуоһунастаах дьоҥҥо бултуур тэриллэрин былдьаан туран отут биэс тыһыынчаттан 50 000 солкуобайга диэри ыстараап түһэриллэр. Маны тэҥэ Кыһыл кинигэҕэ киирбит кыыллары уонна көтөрдөрү сокуоннайа суох бултааһын иһин. РФ ХК 258.1 уонна 258 ыстатыйаларынан холуобунай эппиэтинэс сүктэриллэрин тустаах департамент салайааччыта Владимир Решетников санатта.
Бүгүн, ахсынньы 6 күнүгэр, Саха сирин сорох улуустарыгар -8 кыраадыс буолара күүтүллэр диэн УГМС иһитиннэрэр.…
Аҕа дойду Улуу сэриитин кыттыылааҕа Егор Балбахов, анал байыаннай дьайыы кыттыылаахтара Айаал Балбахов, Валентин Кутейкин…
Соторутааҕыта Дьокуускай куорат маҕаһыыннарыгар саҥа, интэриэһинэй бородуукта баар буолла – эноки диэн ааттаах тэллэй. Азия…
СӨ Ил Дархана Айсен Николаев, РФ Оборуонатын миниистирин солбуйааччы Александр Санчигы кытта, РФ Сэбилэниилээх күүстэрин…
Саха сирин үтүөлээх этээччитэ Арыйаана Романовна Михайлова тэрийбит үбүлүөйдээх күрэҕэр Ньурба улууһуттан Маар орто оскуолатыттан…
Саха сирин, Тыва, Камчатка үөрэх кыһаларын бүтэрбит эдэр дьон үксүн үөрэммит эрэгийиэннэригэр олохсуйан үлэлии хаалаллар,…