Саамай дириҥ шахта

Дьокуускай куорат биир ураты историческай суолталаах тутуутунан 116 миэтэрэ дириҥнээх Шергин шахтата буолар. Шахта куорат киинигэр Кулаковскай аатынан уулусса 18 нүөмэрдээх дьиэтин тиэргэнигэр баар.

Шахтаны 1827 сыллаахха атыыһыт Федор Шергин адмирал Врангель уонна учуонайдар өйөбүллэринэн тутан саҕалаабыта. ХХ үйэҕэ чинчийиилэр этэллэринэн, Дьокуускайга тымныы араҥатын халыҥа 210 миэтэрэттэн тахса эбит.

Великий Устюг куораттан төрүттээх атыыһыт Федор Шергин 1826–1838 сылларга Дьокуускай куоракка олоро сылдьыбыта. Кини атыы-эргиэн дьыалалааҕын таһынан, Арассыыйа-Америка хампаанньатын хонтуоратын дьаһайааччынан үлэлээбитэ.