Хаартыска: СИА
Хаҥалас улууһун Булгунньахтааҕар «Хортуоппуй-фест» бэстибээл чэрчитинэн, саамай элбэх хортуоппуйу ыһаарылыырга Саха сирин рекорда олохтонно диэн СИА суруйар.
Өрөбүл күн Булгунньахтаах олохтоохторо пааркаҕа муһуннулар. Манна тыа хаһаайыстыбатын бородууксуйатын быыстапката, ас-үөл дьааарбаҥката, Буотама болгуотуттан тимири уһаарыыга маастар-кылаас, «Үс көлүөнэ» күрэс, «Кындыкаан» кэнсиэрэ, хортуоппуйтан 100 бүлүүдэни амсайыы, бастыҥ бүлүүдэни талыы, о.д.а. интэриэһинэй тэрээһиннэр буоллулар. Оттон саамай дьон болҕомтотун тарпыт, маассабай тэрээһининэн Саха сирин рекордун олохтооһун буолла.
Рекорд кыттыылаахтара 100 киилэ хортуоппуйу ыраастаан баран, 70 киилэтин аһаҕас уокка ыһаарылаатылар. Ыһаарылыырга анаан мангалга маарынныыр анал тимир иһити оҥорторбуттар. Биир чааһынан «Саха сирин рекордарын кинигэтин» эспиэрэ Егор Степанов рекорду бигэргэттэ. Манна 168 киһи кыттыбыт. Бу кэннэ баар дьон бары хортуоппуйдарын үөрэ-көтө сиэтилэр.
Рекорду олохтооһун туһунан сэртипикээти 1-кы Малдьаҕар нэһилиэгин баһылыга Айталина Васильеваҕа уонна Хаҥалас улууһун баһылыга Олег Иринеевкэ туттардылар.
Булгунньахтаах хортуоппуйунан аатырар. Хас биирдии дьиэ кэргэн өлгөмнүк үүннэрэр уонна сылы быһа хортуоппуйунан аһаан олорор, ордубутун атыылыыр. Онон «бренд» тарҕаныытыгар, туризмы сайыннарыыга бу тэрээһин оруоллаах буолла.
Владимир Путины 2026 сыл балаҕан ыйын 1 күнүгэр Жатай бөһүөлэгэр «Кэлэр кэм туочуката» үөрэх кластерын…
“Саха “НКИК суруналыыһа Олег Колесов Норуоттар сомоҕолоһууларын сылыгар дойду норуоттарын өйүүр миэрэлэр тустарынан ыйытыытыгар хоруйдууругар…
Бүгүн, ахсынньы 19 күнүгэр, Татыйаас Филиппова «Дойду» диэн ааттаах фотопоэзиятын персональнай быыстапка, «Үргэл» арт-галереяҕа аһылынна.…
Түмэл иитэр-үөрэтэр үлэҕэ музейнай педагогика диэн улахан суолталаах эйгэ буолар. Бу, оҕо экспонат көмөтүнэн устуоруйаны…
Саха сиригэр уот тарыыба социальнай тэрилтэлэргэ эмискэ улааппытын, онон саахал тахсар куттала баарын туһунан Саха…
Саха сирин Бырабыыталыстыбатын Бэрэссэдээтэлин солбуйааччы Георгий Степанов Арассыыйа Бэрэсидьиэнэ Владимир Путин пресс-кэмпириэнсийэтин – быһа эпиирин…