Саамай ыарахан сыаналаах оливьены Чукоткаҕа сииллэр

Росстат бу кэмҥэ оливье салаат сыанатын индексин тэҥниир үгэстээх. Маныаха Арассыыйа хас биирдии эрэгийиэнигэр сыананы көрөр, былырыыҥҥыны кытта тэҥниир.

Оливье салаакка киирэр:

— халбаһы — 300 г;

— хортуоппуй — 500 г;

— кэнсиэрбэлэммит горуох — 380 г;

— туустаах оҕурсу — 500 г;

— сымыыт — 4 уст.;

— майонез — 200 г;

— моркуоп — 200 г;

— эриэппэ луук — 100 г.

Мантан 2,5 киилэ салаат тахсар. Арассыыйа үрдүнэн орто сыаната 480 солкуобайга тэҥнэспит. Саамай ыарахан сыаналаах оливьены Чукотка олохтоохторо сииллэр эбит — 792 солкуобай. Оттон саамай чэпчэки сыаналаах салааты Белгородскай уобалас олохтоохторо сииллэр — 360 солкуобай.

Саха сирин нэһилиэнньэтэ Саҥа дьыллааҕы остуолларыгар оливье салаат аһын-үөлүн 631 солкуобайга атыылаһан оҥостуохтара.