Сааны уорбут буоллахтарына ким буруйдааҕый?

Росгвардия сэрэтэр — сааны сүтэрбит уонна уордарбыт хаһаайын административнай эппиэтинэскэ эбэтэр холуобунай дьыалаҕа тардыллар. Бу туһунан Росгвардия пресс-сулууспата иһитиннэрэр.

Сааны бас билээччи саатын сүтэрбит эбэтэр уордарбыт түгэнигэр ИДьМ сулууспатын отделыгар олорор сиринэн суукка иһигэр тутатына биллэриэхтээх уонна быһаарыы биэриэхтээх. Бу болдьох иһигэр наадалаах иһитиннэрии оҥорботох саа хаһаайына административнай эппиэтинэскэ тардыллар. Оттон итирик туруктаах сылдьан сүтэрбитэ билиннэҕинэ, накаастабыл миэрэтэ өссө кытаанах буолар.

Аны туран сааны сүтэрбит кэмигэр буруйу оҥоруу тахсар түбэлтэтигэр эбэтэр киһини өлөрүү таҕыстаҕына холуобунай эппиэтинэһи сүгэр. Оттон атын киһи саатын булааччы быраабы араҥаччылыыр уорганнарга суһаллык биллэриэхтээх уонна сөптөөхтүк харайыахтаах. Маны таһынан сааны сокуоннайа суох харайыы иһин административнай уонна холуобунай эппиэтинэс көрүллэр.