Саас илдьитэ кэрэ, нарын ньургуһун

Мэҥэ Хаҥалас II Наахара нэһилиэгэр кэрэни кэрэхсиир любитель-фотограф Аксиния Шестакова олорор. Кыра оҕотун бүөбэйдиирин быыһыгар кийиит буолан олорор дойдутун айылҕатыгар туох үчүгэйи көрбүтүн хаартыскаҕа түһэрэр үтүө дьарыктаах.

— Бу былырыын түһэрбитим. Тыымпы баалы алааһыгар уонна улахан мырааммыт анныгар үүммүт ньургуһуннары, — диир Аксиния Шестакова.

Онон кини тоҥ буору тобулу үүнэн тахсар, муустан-хаартан иҥнибэт ньургуһуну түһэрбитин көрүҥ, сэргээҥ.