Анна Григорьева хаартыската
Өлүөнэ өрүскэ Витим – Саҥыйахтаах учаастагар уу таһыма үрдүү турар, сууккаҕа 10-40 см эбиллэр. Өссө икки суукка уу таһыма улаатара күүтүллэр.
Ыам ыйын 31 – бэс ыйын 2 күннэригэр Покровскай – Дьокуускай учаастагар уопсайа 1,0-1,2 м үрдүүрэ сабаҕаланар.
Ыам ыйын 29 күнүгэр нуорматтан нэдиэлэнэн эрдэлээн Булуҥ улууһун Хабаров гидропоһун аттыгар өрүс эһиннэ, муус бара турар. Бу сарсыарда 8:00 ч. дааннайынан уу таһыма 707 см, уу сууккаҕа 120 см эбиллибит.
Алдан өрүскэ Уус Миил – Дьааҥы Бэрэбиэһин учаастагар сааскы халаан иккис долгуна ааһара бэлиэтэнэр. Уу сууккаҕа 5-н 40 см диэри үрдүүр.
Чугастааҕы сууккаҕа Кэбээйи улууһун Батамай гидропоһун аттыгар уу үрдүүрэ сабаҕаланар. Уус Маайа улууһун Уус Миил бөһүөлэгин аттыгар сааскы халаан уутун саамай үрдүк таһыма бэлиэтэнэр. Нуул бэлиэттэн 1199 см таһмнаммытиа бэлиэтэнэр.
Оттон Амма уонна Бүлүү былаһын тухары уу араастаан түһэр, үс суукка иһинэн өссө түһэрэ күүтүллэр.
Ыам ыйын 29 күнүгэр Өлөөн өрүс Түмэти гидропоһун аннынан биэс суукка эрдэлээн өрүс эһиннэ. Сарсыардааҥа туругунан, уу таһыма 1279 см тэҥнэспит, сууккаҕа 481 см үрдүүр, муус хойуутук устар.
Дьааҥы өрүскэ Дьааҥы – Баатаҕай учаастагар уу таһыма үрдүүр, сууккаҕа 0,4-0,7 см эбиллэр.
Уус Куйга бөһүөлэгин аттыгар уу таһыма сууккаҕа 0,5 см үрдүүр. Икки суукка иһигэр уу үрдээһинэ салҕаныа. Уу сууккаҕа 40-50 см үрдүүрэ сабаҕаланар. Дьааҥы аллараа сүүрүгэр Усуйаана улууһун Аллараа Дьааҥы бөһүөлэгин аттынан чугастааҕы икки сууккаҕа өрүс эстэрэ күүтүллэр.
Дьааҥы өрүс салаатыгар, Сартаҥнаах, Дулҕалаах, Адыаччы өрүстэригэр хаар ууллан уу таһыма сууккаҕа 05-1,2 м үрдүүрэ бэлиэтэнэр.
Индигиир өрүскэ Аллайыаха улууһун Чокурдаах сэлиэнньэтин аттынан уу таһыма сууккаҕа 1,2 м үрдээтэ, муус хамсааһына бэлиэтэнэр, бу күннэргэ өрүс эстэрэ күүтүллэр.
Халыма өрүскэ муус алын кытыыта Аллара Халыма улууһун Колымское сэлиэнньэтиттэн аллара устара бэлиэтэнэр. Черскэй бөһүлэгин аннынан уу таһыма үрдүүр, муус хамсыыра бэлиэтэнэр. Икки суукка иһинэн өрүс эстэрэ сабаҕаланар.
Алаһыай өрүскэ Алараа Халыма улууһун Андрюшкино сэлиэнньэтин аннынан уу таһыма кыралаан үрдүүр, өрүс бу күннэргэ эстэрэ күүтүллэр.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…