СИА хаартыската
Саха сирин Быыһыыр сулууспата дьону-сэргэни уонна булчуттары бу кэмнэргэ, муус хамсыыр, сааскы халаан кэмигэр арыыга, ыраах барбаккытыгар сүбэлиир.
Муус хамсааһынын, сааскы халаан кэмигэр быһыы-майгы түргэнник уларыйыан сөп: уу таһыма эмискэ үрдүөн, урут куттала суох арыылар, сирдэр ууга барыахтарын, суол-иис быстан хаалыан сөп диэн сэрэтэллэр. Ордук булчуттар булдунан умсугуйаннар, ыксаллаах быһыыга-майгыга түбэһиэхтэрин сөп.
Кэнники күннэргэ булду уонна муус хамсааһынын, барыытын кытары сибээстээх хас да быһылаан бэлиэтэммит. Кэбээйи улууһугар быыһааччы алта булчуту Ньыкаада арыытыттан таһаарбыт. Булчуттар суолларын онно муус хамсаан быһан кэбиспит. Нерюнгри оройуонугар ыам ыйын 9 күнүгэр сүппүт булчут, ууга түспүт. Мэҥэ Хаҥалас улууһугар Тамманы туоруурга сүппүт сылгыһыты уонна эр киһини көрдөөһүн салҕанар. Үөһээ Бүлүү уонна Бүлүү улуустарыгар сүппүт булчуттары көрдүүллэр. Орто Халыма оройуонугар быыһааччылар КамАЗ суоппарын быыһаатылар.
Бултуу барар дьон муус барыытын туһунан иһитиннэриини истэ олорор туһуттан хайаан да радиоприемник, толору иитиллибит суотабай төлөпүөн, иитэр аккумулятор, эбии сылаас таҥас, халыҥ бакыакка кутаа оттор анал тэрили уган илдьэ бараллара наада.
Баһаартан, ууттан куттал суох буоларын курдук сири көрөн, ирдэбили тутуһан хонук сири оҥостоллоро ордук. Арыы сиргэ тахсан хонор бобуллар.
Уу муустан ырааһырыар диэри чараас уонна үрдэриллэр оҥочонон айанныыр бобуллар. Ону сэргэ көлөнөн мууска айаннаамаҥ.
Ыксаллаах быһыы-майгы тахсар түгэнигэр: 112 нүөмэргэ эбэтэр СӨ Быыһыыр сулууспатыгар: (4112) 45-90-19 нүөмэрдэргэ эрийиэххитин сөп.
СӨ Ил Дарханын уонна Бырабыыталыстыбатын пресс-сулууспата
СӨ экологияҕа, айылҕаны туһаныыга уонна ойуур хаһаайыстыбатыгар министиэристибэтэ саас көтөргө уонна ойуур көтөрүн бултуур кэм…
Саха сиригэр 2024 сыл ахсынньытыттан дьиэ кэргэттэри (бииригэр диэри саастаах оҕолоох ыаллары) арыаллыыр "Мэдиссиинэ көмөтө"…
Оҕо сайыҥҥы сынньалаҥын тэрийии боппуруоһунан төрөппүт аһаҕас мунньаҕа буолан ааста. Тэрийээччилэр иһитиннэрбиттэринэн ыам ыйын 15…
Мииринэй оройуонуттан Каширскайдар дьиэ кэргэттэрэ «Семья года 2025» күрэхтэһии оройуоннааҕы түһүмэҕэр биэс бастыҥ иһигэр киирдилэр.…
Кыргызстаҥҥа Ош куоракка ыам ыйын 12-13 күннэригэр "Сулайман-Тоо" диэн эдэр кинематографистар норуоттар икки ардыларынааҕы XII…
Дьокуускайдааҕы «Уютный дом» кырдьаҕастары көрөр-истэр чааһынай пансионакка мэдиссиинэ көмөтүн оҥоруу ирдэбиллэрэ толоруллубатахтара уонна антисанитарнай усулуобуйа…