Хаартыска СИА
Сааскы халааҥҥа 121 нэһилиэнньэлээх пуун ууга барыан сөп. Бу нэһилиэктэргэ уопсайа 24 тыһыынча киһи олорор. Бу туһунан гражданскай оборуона дьыалаларын уонна нэһилиэнньэ олоҕор-дьаһаҕар куттал суох буолуутун хааччыйыыга министиэристибэтэ иһитиннэрдэ.
Биэдэмистибэ иһитиннэрбитинэн, 26 нэһилиэккэ 6 629 олорор дьиэ, 223 социальнай суолталаах эбийиэк, 51 экэниэмикэ эбийиэгэ, 99 олоҕу хааччыйар эбийиэк ууга барар кутталлаах. Өрөспүүбүлүкэ 16 өрүһүн уутун таһыма таһынан тахсыа сөп.
«Ууга барыан сөптөөх нэһилиэнньэлээх пууннар бары ууга бараллар диэн буолбатах. Бу ууга барыахтарын сөп сирдэр, онон биһиги сорукпут — барытыгар бэлэм буолуохпутун наада. Сөптөөх миэрэ эрдэттэн ылылыннаҕына халаан уутун хоромньута кыччыыр», — диэн миниистир Дмитрий Лепчиков бэлиэтээтэ.
Сабаҕалааһын түмүгүнэн, өрүс барыыта 2-5 суукка эрдэлиэн сөп. Сөптөөх сабаҕалааһын муус устар ортотугар биллиэҕэ. Халаан уутун туругун хонтуруоллааһын былырыын 2024 сылга федеральнай таһымнаах быһыыны-майгыны үөскэппитэ. Ол курдук халаан уутуттан 1,9 тыһыынча эбийиэк өрөспүүбүүлүкэ сэттэ оройуонугар эмсэҕэлээбитэ.
Уопсайа сааскы, сайыҥҥы-күһүҥҥү халаан уутуттан былырыын 28 нэһилиэнньэлээх пуун, 3,8 тыһыынча киһи эмсэҕэлээбитэ. Ол курдук ордук Анаабыр, Үөһээ Халыма, Нам, Ньурба, Өймөкөөн, Өлүөхүмэ, Уус Маайа оройуоннара эмсэҕэлээбиттэрэ.
Лия бөлүүн түһээн эмиэ оҕо сааһыгар, олорбут дьиэтигэр, оонньообут тэлгэһэтигэр, үрдүк эмпэрэ биэрэктээх Өлүөнэ кытылыгар…
Энэргиэтик утахтартан сылтаан, эдэр дьон доруобуйалара айгыраабытын туһунан сурахтар кэлэр буоллулар. Туох буортулааҕый уонна тоҕо…
Айар куттаах суруйааччылар ахсынньы 7 күнүгэр аам-даам тымныыны аахсыбакка ахсынньы аргыарын ортотунан «Ника» уораҕайга ыраахтан…
Ахсынньы 11 күнүгэр Дьокуускай куоракка «Өрөгөй» улахан уораҕайыгар «Ньурбалар түмсэр түһүлгэлэрэ» диэн элбэх биир дойдулаахтарын…
Быйыл Өймөкөөн улууһугар айылҕа иэдээнэ – улахан алдьатыылаах халаан үгүс хоромньуну таһаарбыта. Ахсынньы 2-3 күннэригэр…
“... Наһаа улахан киһи кэлэн ааста... Омуна суох, ууну-уоту ортотунан ааспыт салайааччыбыт киһиэхэ үчүгэйи эрэ…