Сааскы халааҥҥа бэлэмнэниэххэ

Share

Олунньу 7 күнүгэр Чурапчы улуус дьаһалтатын мунньахтыыр саалатыгар Саха Өрөспүүбүлүкэтин сири нүөлсүтүүгэ уонна уунан хааччыйыыга управлениетын салайааччытын солбуйааччыта Михаил Лоскин кыттыылаах сааскы халаан уутугар бэлэмнэниигэ аналлаах мунньах буолла.

Улуустааҕы тыа хаһаайыстыбатын управлениетыттан, нэһилиэк баһылыктара, тыа хаһаайыстыбатыгар исписэлиистэрэ, улуус мелиорацияҕа тэрилтэтиттэн сырыттылар.
Мунньаҕы салайан ыыппыт улуус баһылыга Степан Саргыдаев Чурапчыга сири нүөлсүтүү, уунан хааччыллыы улахан суолталааҕын бэлиэтээтэ, бу хайысхаларга билиҥҥи баар балаһыанньаны билиһиннэрдэ. Быйыл сайын кураан буолар чинчилээҕинэн үлэни эрдэттэн саҕалыырга эттэ.


Михаил Лоскин управление өреспүүбүлүкэ үрдүнэн үлэтин билиһиннэрдэ. Улуустар олорор сирдэринэн, айылҕа дьайыыларынан тус туһунан балаһыанньалаахтарын эттэ. Чурапчы улууһугар баар гидротехгическэй тутуулар, шлюз регулятордар, быһыттар билиҥҥи туруктарыгар тохтоото. Ууну хаһааныыга, сири нүөлсүтүүгэ бырагыраамаларга киирэн үлэлиир наадатын ыйда. Маныаха туһааннаах эбийиэктэри, быһыттары, ууну хаһаанар күөллэри кэмигэр көрөн-истэн оҥотторорго, өрөмүөннэтэргэ сүбэлээтэ. Ыраас иһэр уунан хааччыллыыга, Өлүөнэттэн кэлэр уу ситимин таба туһаныыга болҕомто уурарга эттэ.
Мунньах кыттыылаахтара элбэх боппуруоһу биэрэн тустаах хоруйдары ыллылар.

Кэпсэтиигэ тыл эппит Мугудай нэһилиэгин баһылыга Николай Аммосов, Болтоҥо нэһилиэгин баһылыга Сергей Ефремов, Кытаанах нэһилиэгин баһылыга Егор Потапов, Одьулуун нэһилиэгин баһылыга Людмила Ефремова, Чурапчы нэһилиэгин баһылыга Владимир Сивцев, Хоптоҕо нэһилиэгин баһылыга Алексей Бурцев салайар нэһилиэктэригэр бүгүҥҥү баар балаһыанньаны билиһиннэрдилэр, туруорсар боппуруостарын эттилэр.

Этиилэр боротокуолланнылар. Сүүмэрдэнэн, түмүллэн СӨ Бырабыыталыстыбатын отчуотун кэмигэр туттарыллыахтара.

Алексей Слепцов,

Чурапчы.

Recent Posts

  • Сонуннар
  • Уопсастыба

Оскуолаларга сэрэтэр миэрэлэри күүһүрдэр наадалааҕа ыйылынна

Ил Дархан Айсен Николаев өрөспүүбүлүкэ терроризмы утары охсуһар хамыыһыйатын уонна суһал ыстаап холбоһуктаах мунньаҕын ыытта.…

3 минуты ago
  • Интервью
  • Сонуннар
  • Уопсастыба

Виктория Слава: «Дьоҥҥо-сэргэҕэ туһалаах буолуохпун баҕарабын»

Виктория Семенова унтуу тикпитэ сүүрбэччэ сыл буолбут. Бэйэтэ этэринэн, бу сыллар тухары 50 тыһыынчаттан тахса унтууну…

18 минут ago
  • Сонуннар
  • Уопсастыба

Социальнай эйгэ салайааччылара «Үтүө санаа харыйата» аахсыйаҕа кытыннылар

Бырабыыталыстыба бэрэссэдээтэлин солбуйааччы Георгий Степанов салайааччылаах өрөспүүбүлүкэ социальнай салаатын салайааччылара сыл аайы ыытыллар «Үтүө санаа…

49 минут ago
  • Бэрээдэк
  • Сонуннар
  • Уопсастыба

Аммаҕа дьахтар грузовигы уоттуу сатаабыт

Амматааҕы полиция дьуһуурунай чааһыгар олохтоох киһи массыынатын уоттуу сатаабыттарын туһунан иһитиннэрбит. Эр киһи быһаарбытынан, дьиэтин…

1 час ago
  • Сонуннар
  • Уопсастыба

Кыһыннары ититиллэр оҕо былаһааккатын тутууну мээр болҕомтоҕо ылла

Дьокуускай куорат мээрэ Евгений Григорьев пресс-кэмпириэнсийэ кэмигэр суруналыыстар киин куоракка сылы эргиччи үлэлиир итии былаһааккалары…

2 часа ago
  • Сонуннар
  • Уопсастыба

Оҕону ааҕарга көҕүлүүр кииннэр грант ылыахтара

Төрөөбүт тыллары харыстыыр ​​уонна сайыннарар судаарыстыбаннай бырагыраама чэрчитинэн, 2026 сылтан саҕалаан, муниципальнай бибилэтиэкэлэргэ оҕо төрөөбүт…

2 часа ago