Хаартыска: SakhaGov
Өрөспүүбүлүкэ Ил Дархана Айсен Николаев тохсунньу 24 күнүгэр халааҥҥа ыксаллаах быһыыны-майгыны сэрэтэр, туоратар уонна баһаартан куттал суох буолуутун хааччыйар хамыыһыйа мунньаҕын ыытта.
Тохсунньуга олус сылаас күнүн-дьылын учуоттаан, Ил Дархан халаан кутталлаах кэмигэр ону учуоттуурга көрдөстө.
«Олус сылаас тохсунньу ыйа халаан ааһарыгар дьайыаҕа, биллэн турар, урукку сыллартан атын буолуоҕа. Онон халаан куттала суох ааһарыгар хайыы үйэ билигин наадалаах дьаһаллары быһаарыы, структуралар бары бэлэм буолалларыгар күүһү барытын ууруу улахан суолталаах», -– диэтэ Айсен Николаев.
Кини сулууспаларга үөрэҕи уонна эрчиллиилэри кэмигэр ыытыы, материальнай ресурсалары саҥардыы, баайы-дуолу страховкалааһын, гидротехническай тутуулары бэрэбиэркэлээһин уо.д.а. тэрээһиннэрин ыытыы наадатын ыйда.
Айсен Николаев туспа болҕомтону ынах сүөһүнү уу ылбат сиригэр көһөрүүгэ уурда уонна маннык сири-уоту эрдэ быһааралларын, ол гынан баран/ ыксаллаах быһыы-майгы үөскээтэҕинэ, үксүгэр муниципальнай тэриллииэр сөптөөх үлэни ыыппаттарын бэлиэтээтэ.
Саха сиринээҕи гидрометеорология начаалынньыгын солбуйааччы Вячеслав Шехиров эппитинэн, өрөспүүбүлүкэ өрүстэригэр халаан ааһыытын барыллааһын кулун тутар 5 күнүгэр, онтон официаьнай муус устар 15 күнүгэр оҥоһуллуоҕун туһунан эттэ.
Санатан эттэххэ, 2024 сыл халааныгар Нам, Өлүөхүмэ, Ньурба, Анаабыр улуустарыгар 27 нэһилиэнньэлээх пуун эмсэҕэлээбитэ. Айсен Николаев этиитинэн, федеральнай таһымнаах ыксаллаах быһыы-майгы эрэһиимэ биллэриллибитэ. Ол чэрчитинэн халаантан эмсэҕэлээбиттэр барыларыгар чөлүгэр түһэрэр үлэни ыыталларыгар үп көрүллүбүтэ.
Бүгүҥҥүттэн Дьокуускай куоракка Саха Өрөспүүбүлүкэтин муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ саҕаланна. Сийиэс икки…
РФ билимин, үрдүк үөрэҕин министиэристибэтэ 2026-2027 үөрэх дьылыгар министиэристибэ иһинэн үлэлиир үрдүк үөрэх кыһаларыгар тутарсарга,…
Федеральнай ханаал бырагырааматыгар Саха сиригэр олорор дьахтар төрүүр дьиэҕэ оҕотун уорбуттарын туһунан кэпсээтэ. Бу түмүгүнэн…
- «Улуу Кыайыы айымньылара » рубрикаҕа сэрии дьон дьылҕатынан оонньуурун туһунан Прокопий Чуукаар «Дьол хараҕын…
Арассыыйа бэрэсидьиэнэ Владимир Путин «Сахатранснефтегаз» национальнай ньиэп уонна гаас хампаанньатыгар тус махталын биллэрдэ. Туһааннаах дьаһал…
Саха Өрөспүүбүлүкэтин култууратын уонна духуобунай сайдыыга министиэристибэтэ уонна Хомус Аан дойдутааҕы түмэлэ тэрийиилэринэн, 2025 с.…