Ааптар хаартыската
Сааскы халааҥҥа бэлэмнэнии үлэтэ өрөспүүбүлүкэҕэ күүскэ барар. Бу күннэргэ Өлүөнэ өрүскэ Табаҕа тумулун аннынан харыы тахсыан сөптөөх сиригэр мууһу кэбирэтэр үлэлэр бараллар. Табаҕа тумулугар мууһу хараардыы үлэтэ барар. Бэҕэһээ СӨ Бырабыыталыстабытын Бэрэссэдээтэлин бастакы солбуйааччы Дмитрий Садовников мууһу кэбирэтии үлэтэ хайдах баран иһэрин билистэ.
Быйыл саас хаар элбэхтик уонна хойуутук түһэн, үлэ хойутаан саҕаланна. Билиҥҥи туругунан, 2,3 км усталаах уонна 20 м иэннээх муус хаар араҥатыттан ыраастанна. Бу кэнниттэн чох быылынан ыстаран хараардыы үлэтин ыытыахтара. Оччоҕо күн уота чох быылын сылытан, муус түргэнник уулларыгар көмөлөһүө, ол муус эстэр кэмигэр төһүү буолуо.
Маннык мууһу кэбирэтии үлэлэрэ ыытыллыбыттара 20-чэ сыл буолла уонна кэтээн көрүү түмүгүнэн олус көдьүүстээхтэрэ бэлиэтэнэр.
Быйыл мууһу кэбирэтии үлэтигэр 45 мөл. солк. кэриҥэ үп көрүллүбүтэ, сыл аайы балачча улаатар диэн бу үлэнэн быһаччы дьарыктана сылдьар Уу ресурсаларын федеральнай ааҕыныстыбатын Өлүөнэ тардыытынааҕы ууга салалтатын салайааччыта Петр Аргунов этэр.
«Бүгүҥҥү туругунан, мууһу кэбирэтэр үлэ, чуолаан, хараардыы үлэтэ 60%, эрбээһин – 90 % туолла. Өлүөнэ өрүскэ харыы тахсар сирдэригэр Ленскэйгэ, Өлүөхүмэҕэ, Үөһээ Халмаҕа оройуоннарыгар мууһу кэбирэтэр үлэлэр бүттүлэр. Орто Халыма улууһугар бу күннэргэ бүтүө», — диэн Петр Аргунов кэпсээтэ.
«Ленарегионводхоз» филиалын дириэктэрэ Александр Аржаков эппитинэн: «Быйыл кэбирэтии үлэтэ Өлүөнэ өрүскэ 5 муниципальнай оройуоҥҥа уонна Дьокуускай куорат учаастагар ыытыллар. Харыы тахсар 37 учаастагар мууһу эрбээһин – 41 км, хараардыы 413 га сиргэ оҥоһуллар».
Арассыыйа аармыйатын Киин Академическай тыйаатыра Саха сиригэр кэлиэн иннинэ тыйаатыр дириэктэрэ Милена Авимскаялыын маннык кэпсэппиппит.…
Бүгүн, от ыйын 6 күнүгэр, Таатта улууһун хайысхатынан араас массыына, оптуобус халҕаһалыы субуллар. Манчаары төрүт…
Мэлдьи ахтар-саныыр доҕорбунаан Ньукулайдыын 80-с сыллартан “Кыым” хаһыакка үлэлиэхпититтэн билсибиппит. Хомсомуолга иитиллибит, хомуньуус баартыйа кыһатыгар…
Ураты быһыылаах түргэн мантыы ырысыабынан социальнай ситимнэринэн фудблогер уонна спортсмен Владимир Никитин үллэһиннэ. Өрөбүл күҥҥэ…
Норуот ырыаһыта Сергей Зверев төрөөбүтэ 125 сылынан Сунтаар улууһун Түбэй Дьаарханыгар ыытыллыбыт Ыһыах кыттыылаахтара Ыгыаттаҕа…
Сахабыт сиригэр самаан сайыммытын уруйдуур-айхаллыыр, араас ыһыахтар дьэ бүтэн эрэллэр. Мин эмиэ сааспын баттаһа, биир…