Сааскы халаантан эмсэҕэлээбиттэргэ сөптөөх көмө оҥоһуллар

Бүгүҥҥү туругунан сааскы халаан алдьатыылаах содулуттан 3497 киһи, 879 олорор дьиэ эмсэҕэлээтэ.

Бу туһунан СӨ Экологияҕа, айылҕаны туһаныыгар уонна ойуур хаһаайыстыбатын министиэристибэтэ иһитиннэрэр.

Халаантан эмсэҕэлээбит дьоҥҥо биир кэмнээх материальнай уонна үбүнэн көмөҕө сайабылыанньаны судаарыстыбаннай өҥө порталын gosuslugi.ru нөҥүө ыытыллар.

Ыам ыйын 28 күнүнээҕи туругунан уопсайа 5050 сайабылыанньа киирбит, ол иһигэр биир кэмнээх материальнай көмөҕө – 2657, үбүнэн көмөҕө – 2393.