Салгыы
Сааскы халааны этэҥҥэ аһарарга кэлим дьаһаллар ылыллаллар

Сааскы халааны этэҥҥэ аһарарга кэлим дьаһаллар ылыллаллар

Ааптар:
19.05.2024, 13:12
Хаартыска sakha.gov.ru ылылынна
Бөлөххө киир:

Нам улууһугар Арбын уонна Түбэ сэлиэнньэлэрин икки ардыларыгар муус дьапталҕатын эстэрии ыытыллыбыта түмүктэри аҕалла.

Онно муус харыыта суоҕа, дьапталҕа муус устарыгар уустуктары үөскэппитэ. Итиннэ үлэ ыытыллан, муус хамсааһына тэтимирдэ, ол түмүгэр уу таһыма түһэн эрэр. Бу туһунан бүгүн, ыам ыйын 19  күнүгэр, ыксаллаах быһыыны-майгыны сэрэтэр уонна туоратар хамыыһыйа мунньаҕар СӨ Бырабыыталыстыбатын Бэрэссэдээтэлин бастакы солбуйааччы Дмитрием Садовников эттэ.

“Саха сиринээҕи гидрометеорологияҕа уонна тулалыыр эйгэни кэтээн көрүүгэ управление” тэрилтэ гидрометкиин начаалынньыгын солбуйааччы Вячеслав Шехиров Нам улууһугар чаас аайы уу таһымын мээрэйдиир эбии постар туруоруллубуттарын туһунан дакылааттаата.

«Кэнники икки чааска уу таһыма 2-3 см түһэрэ бэлиэтэнэр. «Табаҕа — Дьокуускай — Кангаласс» Өлүөнэ эбэ учаастагар бу курдук, кэнники түөрт чааска уу таһыма 5 см түһэрэ бэлиэтэнэр. Бу кутталлаах таһымтан намыһах», — диир кини.

Нам улууһун баһылыга Юрий Слепцов сарсыарда 08:00 ч Кэбээйи нэһилиэгин баһылыга уу түһэн эрэрин иһитиннэрбитин этэр.

«Билигин уу 26 см  түстэ. Түбэ таһынан муус күүскэ устар, бу туһунан быыһыыр пуун салайааччыта иһитиннэрэр», — диир кини.

Юрий Слепцов КЧС түүҥҥү мунньаҕар туруорулубут соруктары толорууга үлэ ыытылларын этэр. Бу нэһилиэнньэлээх пууннар икки ардыларыгар туорааһыны тэрийии, быстах кэмҥэ олорор пууннары аһынан-үөлүнэн хааччыйыы. Уу түһэрин кытары тута суолу чөлүгэр түһэрии үлэлэрэ саҕаланыахтара. «Сахатранснефтегаз» Нам улууһугар гаастаах 60 баллону ыыппыт.

СӨ тутууга миниистирэ Виктор Романов уонна СӨ олох-дьаһах коммунальнай хаһаайыстыбатын уонна энергетикатын миниистирэ Вячеслав Емельянов анал тиэхиньикэлэр — самосваллар уонна погрузчиктар Нам улууһугар чөлүгэр түһэрии үлэтигэр ыытыллалларын туһунан отчуоттаатылар.

Өлүөхүмэ улууһун баһылыгын бастакы солбуйааччы Николай Кузнецов иһитиннэрэринэн, Өлүөхүмэ улууһун сиригэр-уотугар Өлүөнэ уутун таһыма эмиэ намтыыр. 1 Нөөрүктээйи нэһилиэгэр аҕыс чаас иһигэр 60 см түспүт, Кыыллаахха — 105  см.

Кэбээйи улууһунан муус ааһарыгар бэлэмнэнии үлэ ыытыллыбыт. Кэбээйи улууһун баһылыгын бастакы солбуйааччы Александр Сивцев нэһилиэнньэҕэ иһитиннэрии үлэтэ ыытылларын, сүөһүнү, сылгыны үрдүк сирдэргэ таһааралларын этэр.

Орто Халыма улууһун баһылыга Иван Лаптев муус хамсааһына Халыма өрүскэ саҕаламмытын бэлиэтиир.

СӨ быыһыыр сулууспа начаалынньыгын бастакы солбуйааччыта Василий Тарскай иһитиннэрбитинэн, Намҥа быыһааччылар түүнү быһа түөрт булчуту көрдөөбүттэр. Барыларын биллэриллибит сирдэриттэн буолбакка, атын сиртэн булбуттар, быыһаабыттар диэн кини этэр.

Итинтэн сибээстээн Дмитрий Садовников муниципальнай оройуоннар баһылыктарыгар булчуттар уонна балыксыттар муус барыытын кэмигэр бултуу-алтыы барбаттарыгар быһаарар-өйдөтөр үлэни ыытарга сорудахтаата.

Санатар буоллахха, өрөспүүбүлүкэҕэ 200-тэн тахса гидрологическай пост тэриллибит. Ону сэргэ, пилота суох көтөр тэрил, анал уонна гражданскай авиация кэтээн көрүүгэ үлэлэһэллэр. Халаан уутугар эрдэттэн бэлэмнэнии чэрчитинэн, эвакуацияҕа диэн 23,2  тыһ. миэстэҕэ 267 пуун бэлэмнэниллибит.

Сиһилии https://www.sakha.gov.ru/news/front/view/id/3399577  манна ааҕыҥ.

СӨ Ил Дарханын уонна Бырабыыталыстыбатын пресс-сулууспата

Хаартыскалар: СӨ Ил Дарханын уонна Бырабыыталыстыбатын пресс-сулууспатыттан

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
13 июня
  • 16°C
  • Ощущается: 15°Влажность: 67% Скорость ветра: 1 м/с

Сообщить об опечатке

Текст, который будет отправлен нашим редакторам: