Сааскы күнтэн хаххаланабыт

Саас айылҕа уһуктара чугаһаатар эрэ киһи аймах эмиэ «кыһыҥҥы уутуттан» уһуктар, тупсар, сэргэхсийэр.  Сорохтор, төттөрүтүн, күүстэрэ-уохтара эстэр, түргэнник сылайаллар, наар нуктуу сылдьаллар.

«Битэмиин тиийбэт» диэн үөһэ тыыналлар уонна сааскы  бастакы күҥҥэ сыламныы сатыыллар. Ол кэнниттэн төбөлөрө ыалдьар, харахтарыттан уу-хаар баһаллар уонна утуйуохтарын эрэ баҕарар турукка киирэллэр.
Уһун унньуктаах кыһын кэнниттэн кэтэспит сылаас күннэрбит тоҕо турукпутун мөлтөтөллөрүй?
Кыһыҥҥы биологическай тэтимҥэ сылдьыбыт организмҥа сайыҥҥы бириэмэҕэ көһүүгэ уларыйыы барар. Дьиҥэр, чэгиэн доруобуйалаах киһи кэм-кэрдии уларыйыытын билбэккэ аһарар.
Саас салгын баттааһына, сиигэ, оннооҕор салгын састааба уларыйар. Сааһын хараҕы харыстыыр инниттэн таһырдьа тахсарга салгын ачыкытын кэтэргэ сүбэлииллэр.
Сылаарҕааһыны утарсабыт:
— сымнаһыар аһылык (организмын белоктаах аһылыгынан ноҕуруускалаама);
— салгыҥҥа элбэхтик сырыт, сөбүн көрөн сынньан, эбии битэмииннэрдэ ис. Сааскы күн харахха буортулаах Сааскы күн сайыҥҥытааҕар ордук уодаһыннаах диэн сэрэтэллэр.
— Таһырдьа тахсыаҥ иннинэ тирииҥ аһаҕас сирдэригэр ультрафиолетовай сардаҥаны утарсар креми сотун. Күнтэн көмүскэнэргэ 30 эбэтэр онтон үрдүк индекстээх креми туһан.
— Тириигин харыстаабатаххына, түргэнник мырчыстар. Уоскун гигиеническэй помаданан сотун, салгын ачыкытын кэт. Сааскы күн, төһө да үөһээ тахсыбатаҕын иһин, буортулаах сардаҥалара харах сетчаткатын күүрдүөхтэрин сөп.

«Саха ыала» хаһыат архыыбыттан