«Сааскы саһарҕа – 2024» күрэс эдэрдэри түмэр

Улуустааҕы эдэр модельердар уонна муода тыйаатырдарын «Сааскы саһарҕа-2024» күрэһи Амматааҕы үөрэх салалтата уонна О.П.Иванова-Сидоркевич аатынан киин бэрт сэргэхтик тэрийэн ыыттылар.

Быйылгы “Сааскы саһарҕа -2024”күрэскэ сэттэ оскуолаттан 9 кэлэктиип кыттыыны ылла. Ол курдук, кыттааччылар “Дьүкээбил уота” ааптар Алиса Кулебякина, салайааччы Э. Д. Николаева, Болугур Е.Е Пахомов аатынан оскуола “Нарын Куо”, салайааччы А.В.Петрова, Соморсун оскуолатыттан “Уолан”, салайааччылар М.В.Тараховская, С.А.Саввина, “Ай-Куо” салайааччылара С.Ю. Борохина, А.Н.Сокольникова, Мээндиги оскуолатыттан “Сказочник” тыйаатыры салайааччы М.И.Данилова, Амма-Наахара П.И.Яковлев аатынан оскуолаттан “Art-tik” муода устуудьуйата, салайааччы С.Н.Алексеева, В.Г.Короленко аатынан Амма 1 нүөмэрдээх оскуолатыттан 8 “А” кылаас үөрэнээччитэ Ангелина Артемьева, “Кыыс Куо” — 8 “Б” кылаас үөрэнээччилэрэ, салайааччы Н. Е.Гаврильева, “Иис эйгэ” Е.А.Шишигин аатынан оскуола, салайааччы А.Г.Сергеева, салайааччылар В.С.Пахомова, О.Н.Никитина, уопсайа 12 номинацияҕа кыттан араас интэриэһинэй, сонун оноһуктары, кэллиэксийэлэри көрдөрдүлэр. Көрөөччүлэри, дьүүллүүр сүбэни сэҥээртилэр, биһирэбиллэри ыллылар.

Күрэскэ кыттааччылар саҥа муодаларын “Коллекция”, “Авангард”, “Бохо стиль”, “Традиция и мода” түһүмэхтэринэн көрдөрдүлэр. “Коллекция” номинацияҕа үс үлэ, “Авангард” номинацияҕа биэс үлэ, “Бохо стиль” икки, “Традиции и мода” номинацияҕа икки үлэ кытыннылар.

Күрэһи бэрт сэргэхтик «Айар сайдыы» киин иитиллээчилэрэ Айыына Давыдова, Никита Петров салайан ыыттылар. Бэйэлэрин музыкальнай эҕэрдэлэринэн киэргэттилэр А.А.Черемных аатынан оҕо ускуустубатын оскуолатын үҥкүү салаатын үөрэнээччилэрэ «Венский вальс» үҥкүүнэн (салайааччы С.А.Дорофеев). Ылбаҕай ырыаларын ыллаатылар «Айар сайдыы» киин педагогтара Косиор Карманов, Дмитрий Саввинов.

“Сааскы саһарҕа – 2024” күрэһи сыаналаатылар ынырыылаах дьүүллүүр сүбэ: А.А.Черемных аатынан Амматааҕы оҕо ускуустубатын оскуолатын преподавателэ, СӨ култууратын туйгуна, дьүүллүүр сүбэ бэрэссэдээтэлэ К.Н. Жиркова, А.А.Черемных аатынан Амматааҕы оҕо ускуустубатын оскуолатын преподавателэ Т.А.Захарова, Ф.Потапов аатынан Амматааҕы норуот айымньытын дьиэтин киэргэтээччи- худуоһунньуга, «Ай-Тик» муода устуудьуйатын салайааччыта А.И.Кокарева.

Күрэс дьүүллүүр сүбэтин быһаарыытынан «Коллекция» номинацияҕа: I истиэпэннээх лауреат — Амма-Наахара П.И.Яковлев аатынан оскуола “Art-tik” муода устуудьуйата, II ист. лауреат “Иис Эйгэ” — Сатаҕай оскуолата, III ист. лауреат “Модняшки”- Мээндиги оскуолата буоллулар.

“Авангард” – номинацияҕа: I ист. лауреат “Ай-Куо” Соморсун оскуолата, II ист. лауреат “Дьүкээбил уота” ааптар Алиса Кулебякина, III ист. лауреат “VIII Саха сирин норуоттарын спортивнай оонньууларын символлара” Сатаҕай оскуолата буоллулар.

Бохо стиль” номинацияҕа: I ис. лауреат “Үчүгэйиэн”кэллиэксийэ, “Ай-Куо”устудьуйа, Соморсун оскуолата, II ист. лауреат “Art-tik” муода устуудьуйата, Амма — Наахараттан ааттаннылар.

«Традиции и мода» номинацияҕа: I степеннээх лауреат “Кыыс Куо” 8 “б” кылаас үөрэнээччилэрэ, II степеннээх лауреат “Уолан” Соморсун оскуолата буоллулар.

Улуустааҕы эдэр модельердар уонна муода тыйаатырдарын «Сааскы саһарҕа-2024» муҥутуур кыайыылааҕынан “Кылаан бириис” хаһаайынынан буолла — В.Г.Короленко аатынан Амма 1 нүөмэрдээх оскуолатыттан 8 “А” кылааһын үөрэнээччитэ Ангелина Артемьева, “Бордуолаах кинээс” олоҥхоттон дьоруойдар авангард танастарынан кыайыылаах таҕыста.

Инникитин күрэспитигэр өссө элбэх кыттааччыны күүтэбит. Интэриэһинэй саҥа көрүүлээх бэйэ айбыт кэллиэксийэлэрин аҕалан дьону үөрдэ, эдэр талааннар сайда, үүнэ туруохтара диэн эрэнэбит.

Улуустааҕы эдэр модельердар уонна муода тыйаатырларын «Сааскы саһарҕа» күрэһи тэрийээччилэр Нь.Колосова, А.Егорова.