Хаартыска: РИА Новости
«Сааскы ыҥырыы былаан быһыытынан ыытыллыаҕа, саллааттары байыаннай дьайыы зонатыгар ыытыы былааннаммат», — диэтэ Госдуума Оборуонаҕа кэмитиэтин бэрэссэдээтэлэ Андрей Картаполов. Бу туһунан РИА Новости суруйар.
«Буоларын курдук, быйыл сааскы ыҥырыы муус устар 1 күнүттэн от ыйын 15 күнүгэр диэри ыытыллыаҕа уонна 18-30 саастаах эдэр дьону ыҥырыахтара», – диир парламентарий. Андрей Картаполов бэлиэтээбитинэн, ыҥырыыга хабыллар эдэр уолаттар ахсааннара эрдэтинэ быһаарыллан турар.
Сулууспа болдьоҕо уларыйыыта суох хаалар – биир сыл. Байыаннай чааска барыан иннинэ хас биирдии ыччат мэдиссиинэ көрүүтүн хамыыһыйатын ааһыахтара.
Санаттахха, быйылгыттан аармыйаҕа ыҥырыллар эр дьон саастарын үрдэтэр туһунан сокуон олоххо киирбитэ. Ол курдук, 2024 сыл тохсунньу 1 күнүттэн аармыйаҕа ыҥырыыга 18-тан 30-гар диэри саастаах эр дьон хабыллыахтара. Урут ыҥырыллар муҥутуур саастара 27 этэ.
Федеральнай сокуон ирдэбилинэн, Уһук Хоту олохтоохторо ыйы хойутаан ыҥырыллаллар. Оттон педагогическай үлэһиттэри сулууспаҕа ыам ыйын 1 күнүттэн от ыйын 15 күнүгэр диэри ыҥырыахтара. Ону сэргэ тыа сирин олохтоохторугар анаан, ыһыы уонна хомуур кэмигэр үлэлээччилэргэ, бэбиэскэни алтынньы 15 күнүттэн ахсынньы 31 күнүгэр диэри ыытыахтара.
Сокуоҥҥа киирбит уларыйыыларынан, аармыйаттан куотунар эдэр дьон сорох бырааба хааччахтаныан, ону тэҥэ холуобунай эппиэккэ тардыллыан сөп. Ону таһынан суут быһаарыытынан 200 тыһ. солк. диэри ыстараап олохтонор, эбэтэр алта ыйга диэри болдьохтоон көҥүлэ быһыллар.
Бүтэһик чуораан чугдаарбытын, эксээмэннэри туттарбыт кэннэ ороскуоттаах бырааһынньыктар саҕаланаллар. Бу бырааһынньыктарга бэлэмнэнии сыл инниттэн саҕаланар.…
Төһө да «ыт — киһи доҕоро” диэтэрбит, ордук куорат сиргэ, ыттаах-куоскалаах аһара элбээн, тулалыыр эйгэ санитарнай…
Ил Түмэн Бэрэссэдээтэлэ Алексей Еремеев салайааччылаах Саха сирин дэлэгээссийэтэ Луганскай Норуодунай Өрөспүүбүлүкэҕэ «Муниципальнай тэриллиилэргэ Ийэ…
Суорун Омоллоон аатынан Опера уонна балет тыйаатырын сүрүн артыыһа, умсугутуулаах уобарастары кыайа-хото тутар, опера артыыһын…
Саха омук мусукаалынай култууратыгар уһулуччулаах кылааты киллэрбит композиторбыт, Кэбээйи улууһуттан төрүттээх Захар Степанов төрөөбүтэ 95…
Саха сирин олохтоохторо уонна улуус дьаһалталара байыаннай дьайыыга сылдьар биир дойдулаахтарыгар өрүү көмөлөһөллөр. Бу өйөбүл…