Андрей Сорокин хаартыската, СИА.
Арктика оройуоннарыгар көмүөл устар. Чугастааҕы сууккаҕа Анаабыр оройуонугар Сааскылаах сэлиэнньэтин таһыгар Анаабыр өрүскэ уу таһыма үрдүүрэ күүтүллэр. Бу туһунан брифиҥҥэ Гражданскай оборуона дьыалаларыгар уонна нэһилиэнньэҕэ куттал суох буолуутун хаччыйыыга миниистири бастакы солбуйааччы Айаал Вензель иһитиннэрдэ.
“Сааскылаахха Анаабыр өрүскэ уу таһыма 972 см тэҥнэһэр (манна ыксаллаах таһым – 1170). Муус ортотук ааһар. Уу таһыма 1150 см тиийиэн сөп”, — диэтэ кини.
Ону тэҥэ Булуҥ оройуонугар Өлүөнэ эбэҕэ муус бара турар, Өлөөҥҥө – Өлөөн уонна Булуҥ оройуоннарыгар, Дьааҥыга – Усуйаана улууһугар, Индигииргэ – Абый уонна Аллайыаха оройуоннарыгар, Халыма өрүскэ – Аллараа Халыма оройуонугар.
Айаал Вензель халаантан эмсэҕэлээбит нэһилиэнньэлээх пууннарга чөлүгэр түһэрэр үлэ ыытылларын бэлиэтээтэ.
Кини этэринэн, судаарыстыбаннай былаас ситэриилээх уорганнарын күүһүнэн Нам оройуонугар субуотунньуктар түмүктэнэн эрэллэр. Манна ыам ыйын 24 күнүттэн 29 күнүгэр диэри 2400 киһи кытынна. Мунньуллубут бөҕү-сыыһы 126 анал тиэхиньикэ тиэйдэ, уопсайа 4700 кубу.
Судаарыстыбаннай өҥө порталыгар дьонтон материальнай уонна үбүнэн көмөҕө сайабылыанньаны тутуу ыытыллар.
Санаттахха, ыам ыйын 20 күнүгэр Саха сиригэр халаан уутуттан эрэгийиэн көрүҥнээх ЫБМ эрэсиимэ биллэриллибитэ. Бырабыыталыстыбаҕа нэһилиэнньэлээх пууннары уонна эбийиэктэри чөлүгэр түһэрэргэ, дьоҥҥо көмөлөһөргө сорудахтаммыта.
Өрөспүүбүлүкэ баһылыгын Айсен Николаев сорудаҕынан ЫБМ кэмигэр эмсэҕэлээбиттэргэ төлөбүрү үрдэппиттэрэ. Билигин эрэгийиэҥҥэ биир киһиэхэ материальнай көмө кээмэйэ 10 тыһыынча солкуобайга тэҥнэһэр, наадалаах малы-салы сүтэрии иһин харчынан көмө – 100 тыһыынча солкуобайга диэри (барытын сүтэрдэххэ – 100 тыһыынча, сорҕотун – 50 тыһыынча).
Саха Өрөспүүбүлүкэтин Ил Дарханын уонна Саха Өрөспүүбүлүкэтин бырабыыталыстыбатын пресс-сулууспата
Арассыыйа аармыйатын Киин Академическай тыйаатыра Саха сиригэр кэлиэн иннинэ тыйаатыр дириэктэрэ Милена Авимскаялыын маннык кэпсэппиппит.…
Бүгүн, от ыйын 6 күнүгэр, Таатта улууһун хайысхатынан араас массыына, оптуобус халҕаһалыы субуллар. Манчаары төрүт…
Мэлдьи ахтар-саныыр доҕорбунаан Ньукулайдыын 80-с сыллартан “Кыым” хаһыакка үлэлиэхпититтэн билсибиппит. Хомсомуолга иитиллибит, хомуньуус баартыйа кыһатыгар…
Ураты быһыылаах түргэн мантыы ырысыабынан социальнай ситимнэринэн фудблогер уонна спортсмен Владимир Никитин үллэһиннэ. Өрөбүл күҥҥэ…
Норуот ырыаһыта Сергей Зверев төрөөбүтэ 125 сылынан Сунтаар улууһун Түбэй Дьаарханыгар ыытыллыбыт Ыһыах кыттыылаахтара Ыгыаттаҕа…
Сахабыт сиригэр самаан сайыммытын уруйдуур-айхаллыыр, араас ыһыахтар дьэ бүтэн эрэллэр. Мин эмиэ сааспын баттаһа, биир…