Сааскылаахха хаарбах дьиэҕэ олорор ыалы көһөрөргө үс таас дьиэ тутуллуо

Сааскылаах нэһилиэгэр хаарбах дьиэттэн дьону көһөрүү пуондата өрөспүүбүлүкэтээҕи тус сыаллаах бырагырааманан 3800 кв.м тахса иэннээх үс элбэх кыбартыыралаах таас дьиэ үлэҕэ киириэҕэ диэн СӨ Баһылыгын уонна бырабыыталыстыбатын пресс-сулууспата иһитиннэрэр. Дьиэни тутуу 2024 сылтан саҕаламмыта.

Бу туһунан Анаабыр улууһун Сааскылаах нэһилиэгэр ситэриилээх былаас уорганын отчуотугар бырабыыталыстыба бэрэссэдээтэлин солбуйааччы Анатолий Семенов иһитиннэрдэ.

Кини бэлиэтээбитинэн, Анаабыр улууһа алмаас бырамыысыланнаһын кытары сибээстээн сайдыы тэтимнээхтик барар. «Анаабыр алмаастара» АУо уонна атын даҕаны бөдөҥ тэрилтэлэр үлэлиир буоланнар, өрөспүүбүлүкэ экэнэмиичэскэй үүнүүтүгэр улахан кыахтары үөскэтэр.

«Анаабыр улууһугар үөрэхтээһин эйгэтигэр эмиэ улахан бырайыактар олоххо киирэллэр. Ол курдук, 2024 с. Сааскылаах оскуолатын баазатыгар икки орто анал үөрэх салаата аһыллыбыта. Ону тэҥэ Н.Г. Чернышевскай аатынан Бүлүүтээҕи кэллиэс оскуолаҕа киириэн иннинээҕи саастаах оҕолору иитэр идэҕэ уонна «Арктика» оробуочай каадырдары бэлэмниир киин Анаабырдааҕы салаата «Информационнай систиэмэлэр уонна ресурсалар оператордара» идэҕэ бэлэмнииллэр», – диэн кэпсээтэ Анатолий Семенов.

Улуус олохтоохторо ыччаттара ыраата барбакка, миэстэтигэр хаачыстыбалаах анал үөрэҕи ылалларын бэлиэтээтилэр.

Көрсүһүү кэмигэр олохтоохтор Сааскылаахха саҥа үөрэх тэрилтэтэ тутуллара наадатын эттилэр.

Анатолий Семенов онуоха бырабыыталыстыба Сааскылаахха элбэх өҥөнү оҥорор киин тутуллуохтаах бырайыагын көрө сылдьарн эттэ.

«Кииҥҥэ икки бөлөҕүнэн 50 миэстэлээх оскуолаҕа киириэн иннинээҕи саастаах оҕолорго уһуйаан уонна 120 миэстэлээх гимназия уонна эбии үөрэхтээһин бырагырааматынан үөрэтиигэ кэбиниэттэр баар буолуохтара. Чопчулаан эттэххэ, муниципальнай оҕо технологическай паарката оҥоһуллара былааннанар», – диэн вице-премьер чуолкайдаан биэрдэ.

Отчуокка Анаабыр улууһа волоконно-оптическай сибээс лииньийэтэ (ВОЛС) толору киирбит ин ой линией бастакы Арктика улууһа буолара бэлиэтэннэ. Бүгүҥҥү күҥҥэ  4G суотабай сибээс үс нэһилиэккэ киирэн турар. Сааскылаах олохтоохторо бу барыта сибээһи тупсарда уонна саҥа кыахтары арыйда диэн санааларын үллэһиннилэр.

Отчуот түмүгүнэн «Моя профессия – ИТ» IX өрөспүүбүлүкэтээҕи куонкурус муниципальнай т үһүмэҕин кыайыылаахтарын наҕараадалаатылар. Куонкуруска Анаабыр улууһун 40 үөрэнээччитэ кыттыбыт. Кыайыылаахтар Дьокуускай куоракка олунньу 28-кулун тутар 2 күнүгэр ыытыллар өрөспүүбүлэкэтээҕи түһүмэххэ улуустарын чиэһин көмүскүөхтэрэ.