Хаартыска ДПС
ДПС иниспиэктэрдэрэ бэйэлэрин массыыналарынан айаннаан испит саастаах дьоҥҥо көмөлөстүлэр.
Тохсунньу 2 күнүгэр Мэҥэ Хаҥаластааҕы автоиниспиэксийэ үлэһиттэрэ, ДПС отделениетын командира, полиция лейтенана Анатолий Павлов уонна полиция ыстаарсай лейтенана Айсен Пахомов үлэлэринэн сылдьан, «Мүрү» айан суолун 40 км. суолтан туораан тахсыбыт «Toyota Succeed» массыынаны көрбүттэр. Иниспиэктэрдэр көмөлөһөөрү тохтообуттара, массыынаҕа саастаах дьон олороллор эбит. Суоппар уруулун кыайан туппакка суолтан туораан тахсыбыт. Хаартан массыынаны бэйэлэрэ кыайан таһаарбакка олорбуттар.
Полиция үлэһиттэрэ айанньыттар эчэйбэтэхтэрин билэн баран, массыынаны состорон суолга таһаарбыттар. Кэргэнниилэр иниспиэктэрдэргэ көмөлөрүн иһин махтаммыттар уонна салгыы айаннаабыттар. Сотору кэминэн кинилэр Интэриниэт ситимигэр махтанан суруйбуттар. Кинилэр суруктарыгар ДПС үлэһиттэригэр уонна Бэдьимэ баһылыгар махтаммыттар. Бары үтүөнү баҕарбыттар.
Иниспикэсийэ үлэһиттэрэ суоппардарга күнү-дьылы учуоттуургутугар, айаҥҥа болҕомтолоох буоларгытыгар сүбэлииллэр. Олус түргэнник айаннаамаҥ, массыынаҕа кургутун бааныҥ диэн этэллэр. Бэйэҕитин уонна чугас дьоҥҥутун харыстааҥ диэн суруйаллар.
СӨ ИДьМ госавтоиниспиэксийэтэ
2024 сылга оҕуруот аһын олордуунан дьарыктанааччыларга куйаар ситимиттэн сүбэлэри түмэн, ый халандаарын (лунный календарь) таһаарабыт.…
Биһиги, сахалар, айылҕа оҕолоробут, Айыыларга, иччилэргэ итэҕэйэр, сүгүрүйэр буоламмыт, булгуруйбат санаалаахпыт, тостубат тулуурдаахпыт диэн разведка…
Бэҕэһээ, ыам ыйын 11 күнүгэр, Кыргызстаан чэпчэки атлетикаҕа Федерациятын бэрэсидьиэнэ Канат Аманкулов «Триумф» хамаандалары бэлэмниир…
Биһиги дойдубутугар 1996 сылтан Мэдиссиинэ сиэстэрэтин Аан дойдутааҕы күнэ бэлиэтэнэр. Бу бырааһынньык мэдиссиинэ орто сүһүөх…
Грузияҕа олохтоох парламент ыам ыйын 1 күнүгэр тас дойдуттан үбүлэнэр тэрилтэлэр испииһэктэрин оҥоруу туһунан сокуон…
Стамбулга Париж куоракка ыытыллар Олимпийскай оонньууларга путевка иһин тустууга бүтэһик квалификационнай турнир ыытыллар. Көҥүл тустууга…