https://t.me/spasykt
Ленскэй оройуонугар саастаах дьахтар эргэ дьиэ боппуолдьатыгар (подполье) түһэн, онно алта чааһы быһа олорбут диэн СӨ Быыһыыр сулууспата иһитиннэрдэ.
Ленскэй куоракка Быыһыыр сулууспа быыһааччылара 78 саастаах дьахтары быыһаатылар. Кини хаарбах туруктаах дьиэ боппуолдьатыгар түспүт. Дьахтар ойууртан тэллэйдээн иһэн, аара суолга эргэ дьиэҕэ киирбит. Урут манна уола олоро сылдьыбыт, сиэннэрэ улааппыт дьиэлэрэ эбит. Тахсаары туран, өссө аттынааҕы кыбартыыраны көрөргө санаммыт итиэннэ үс миэтэрэ дириҥнээх боппуолдьаҕа түспүт. Дьолго, дьахтар эчэйбэтэх.
Мобильнай сибээс кыайан хаппат эбит эрээри, нэһиилэ дьүөгэтигэр мессенджергэ суруйбута тиийбит. Дьүөгэтэ ону ааҕаат, тута көрдүү барбыт. Ол гынан баран аадырыһа чопчу ыйыллыбатах эбит. Сотору кэминэн эмсэҕэлээбит дьахтар аадырыһын ыйан ыыппыт. Инньэ гынан дьүөгэтэ булан тиийбит уонна быыһааччылары ыҥырбыт.
Ленскэйдээҕи көрдүүр-быыһыыр этэрээт начаалынньыга Александр Саморцев иһитиннэрбитинэн, дьахтар оҥкучахха 6 чаас кэриҥэ олорбут. Хата тугун да эчэппэтэх, ол гынан баран күүскэ тоҥмут. Быыһааччылар дьахтары «Суһал көмөҕө» туттарбыттар.
«Саханефтегазсбыт» АУо 2025 сылга ыраах сытар, сылы эргиччи суола-ииһэ суох, автозаправочнай (АЗС) уонна контейнернай автозаправочнай…
Суруналыыстары кытта көрсүһүүтүгэр киин куорат мээрэ Евгений Григорьев мээрийэ өйөбүлүнэн тахсар "Киин куорат" хаһыат туһунан…
Саха сиринээҕи Суһал ыстаап анал байыаннай эпэрээссийэҕэ кыттааччылары наадалаах тэриллэринэн уонна тиэхиньикэнэн хааччыйыыга систиэмэлээх үлэтин…
Саҥа дьылга Соҕуруу федеральнай уонна Хотугу Кавказтааҕы уокуруктартан ураты Арассыыйа Европатааҕы чааһын үгүс сиригэр хаардыыр.…
Бу түбэлтэни Александр Аргунов аҕабыыт 1913 с. “Якутские Епархиальные Ведомости” сурунаал 17-с нүөмэригэр бэчээттэппит. 1908…
Тохсунньу 1 күнүттэн киин куоракка оптуобус төлөбүрэ 58 солкуобайга диэри үрдүүрүн туһунан киин куорат баһылыга…