Саастаах дьахтар түөкүттэр угаайыларынан мөлүйүөн кэриҥэ харчытын сүтэрдэ

Ааспыт өрөбүл күннэргэ полицияҕа түөкүттэргэ түбэспит Саха сирин икки олохтооҕо сайабылыанньа суруйбут. Хоромньу уопсай суумата 622 тыһыынча солкуобай кэриҥэ буолбут. Бу туһунан ИДьМ пресс-сулууспата иһитиннэрэр.

Дьокуускай 65 саастаах олохтооҕо барыстаах инвестициялар туһунан угуйукка итэҕэйэн, түөкүттэр ыйыыларынан бэйэтин уонна кирэдьииккэ ылбыт 497 тыһыынча солкуобайын кинилэр ыйбыт счеттарыгар ыыппыт.

Оттон Хаҥалас улууһун оскуолатын учууталыттан түөкүттэр мессенджергэ аккаунун алдьаппыттар диэн сылтахтанан, кирэдьииккэ ылбыт 125 тыһыынча солкуобайын албыннаан ылбыттар. ИДьМ санатар, билбэт дьон ыйыытынан үп-харчы эпэрээссийэлэрин оҥорумаҥ, сэрэхтээх буолуҥ!