Саастыылааҕын кырбаан өлөрбүт уол оҕону сууттаатылар

Саха сирин Үрдүкү суута киһи өлүүтүгэр тиэрдибит, доруобуйаҕа ыар эчэйиини оҥорууга буруйдааҕынан билиниллибит Майа сэлиэнньэтин 17 саастаах олохтооҕор тахсыбыт бириигэбэри күүһүгэр хаалларда.

Суут быһаарбытынан, 2024 сыл атырдьах ыйыгар волейбол былаһааккатыгар икки уол оҕо ардыгар этиһии тахсан, охсуһууга кубулуйбут. Сууттаммыт киһи утарылаһааччытын хас да төгүл охсуталаабыт, ол иһигэр төбөҕө тоҕустан итэҕэһэ суох саайбыт.

Эмсэҕэлээччи ылбыт эчэйиититтэн балыыһаҕа тыына быстыбыт. Мэҥэ-Хаҥалас оройуонун суута эдэр киһини иитэр-көннөрөр холуонньаҕа түөрт сылга көҥүлүн быһарга уураахтаабыта. Үрдүкү суут апелляцияны көрөн баран, бириигэбэр төрүөттүүр чааһыгар чопчулааһыннары киллэрбит, ол эрээри буруй болдьоҕун уларытыыта суох хаалларда. Бириигэбэр сокуоннай күүһүгэр киирдэ, диэн СӨ Үрдүкү суутун пресс-сулууспата иһитиннэрэр.