Сабантуй: Татарстан киинэтин күннэрэ

Дьокуускайга Сабантуй чэрчитинэн Татарстан киинэтин күннэрэ ыытыллар.

ХХV федеральнай Сабантуй чэрчитинэн Дьокуускай куоракка Татарстан киинэтин күннэрэ аһыллар. «Лена» киинэ тыйаатырыгар икки күн устата киинэлэри босхо көрдөрүөхтэрэ.

«Сахафильмҥа» иһитиннэрбиттэринэн, көрөөччүлэр Татарстан режиссердарын үлэлэрин кытта билсиэхтэрэ. Үс киинэ барыта Арассыыйа уонна аан дойдутааҕы киинэ бэстибээллэрин кыайыылаахтарынан буолаллар. Ол кэнниттэн Татарстан кинематографиятын айар бөлөҕүн кытта көрсүһүүлэр ыытыллыахтара.

Киэһэ 17:00 чаастан  «Гашыйклар тавы» («Гора влюблённых») татаар тылыгар нуучча субтитрдаах киинэ көстүөҕэ.

Бэс ыйын 13 күнүгэр киэһэ 16:00 чаастан «Телсез күке» («Немая кукушка») (18+) татаар тылыгар нуучча субтитрдаах режиссер Рауф Кубаев киинэтин көрдөрүөхтэрэ.

Ол күн  киэһэ Татарстан киинэтин күннэрин киэһэ 18:00 чаастан  «Я приду» (18+) драма түмүктүөҕэ.

Сабантуй — сааскы хонуу үлэтин түмүктүүр үгэс буолбут татаар национальнай бырааһынньыга. Тэрээһин Татарстан аан дойдутааҕы Конгреһынан ыытыллар.